کەس بۆی نییە تانە لە خەڵکی سەرشەقام بدات

سەرۆک کۆماری ئێران بە ئاماژە بە بەرهەمەکانی بەرجام تا رۆژی پەسلانە، وتی: زانستی یاسا و زانستی سیاسەت بوو کە توانی لە دانوستانێکی دژواری نێودەوڵەتی ئەو سەرکەوتنە بۆ ئێران بە دیاری بێنێت.

بە ڕاپۆرتی ئاژانسی هەواڵی مێهر، حوجەتولئیسلام حەسەن ڕۆحانی سەرۆک کۆماری ئێران لە نۆهەمین مێهرەجانی نێونەتەوەیی فارابی ڕایگەیاند: لە حەوتەکانی ڕابردوودا ئەمریکا لە دوو سۆنگەوە شکستی گەورەی هێنا، یەکیان کاتێک بوو کە ویستی دژی ڕای جیهانی بوەستێت و بەڵێنە نێودەوڵەتییەکانی پێشێل بکات و لە بەرجام بچێتە دەرێ، کە جیهان بەرهەڵستی بوونەوە.

ڕاشیگەیاند: خۆشحاڵم کە دەسەڵاتدارانی کۆشکی سپی لە پێشێل کردنی بەڵێنە نێودەوڵەتییەکان و پابەندبوون بە پەسندکراوەکانی ئەنجومەنی ئاسایشی ڕێکخراوی نەتەوە یەکگرتووەکان و ڕێککەوتنی ٧ وڵات ناکام بوون.

سەرۆک کۆماری ئێران ئاماژەی بە لێدوانەکانی پێشووی خۆی دا و وتی: گەلێ جار وتوومە کە لە بەرجامدا دەسکەوت و سەرکەوتنگەلێکمان بە دەست هێناوە کە هیچکات نافەوتێت و هیچکەس ناتوانێت لە ناوی ببات. لە بەرجامدا بە جیهانمان ڕاگەیاند کە کێشەگەلی ئاڵۆزی ناوچەیی و نێودەوڵەتی لە سەر میزی دانوستان چارەسەر دەکرێت و ئەم مژارە هیچکات لە ناو ناچێت تەنانەت ئەگەر کەسێک رۆژێک بەرجام و تەواو بەڵێنەکان پێشێل بکات، ئەو سەرکەوتنە بەردەوامە.

وتیشی: ئێمە سەلماندمان کە ئێران ڕاستگۆیە و بە دوای چەکی ئەتۆمییەوە نییە و ئەوە دوژمنانمانن کە دۆزنن. ڕاستگۆیی ئێران لە لایەن ئاژانسی نێودەوڵەتیی وەزەی ئەتۆمی پشت‌ڕاست کرایەوە و تەنانەت خۆدی ئەمریکاییەکانیش دانیان بەو ڕاستگۆییەدا ناوە.

ڕۆحانی بە ئاماژە بەوەی کە ئێمە لە بەرجامدا کارێکمان کرد کە جیهان مافی توێژینەوە و گەشە و پێشکەوتنی ناڤۆکی ئێران قبووڵ بکات، ڕایگەیاند: هەندێک هێشتا ڕەهەندەکانی بەرجامیان هەست پێنەکردووە و بەرهەمەکانی بەرجام هەمیشەیین و تا رۆژی پەسلان درێژەیان هەیە.

سەرۆک کۆماری بە بیرهێنانەوەی دەسکەوتەکانی بەرجام لە ماوەی دوو ساڵی ڕابردوو و لەوان داهاتی نەوتی و سەرمایەدانەریی دەرەکی، وتیشی: ئەوە زانستی یاسایی و زانستی سیاسەت بوو کە توانی لە دانوستانێکی دژواری نێودەوڵەتی ئەو سەرکەوتنە بۆ ئێران بە دیاری بێنێت. ئەوە نیشان دەدات کە زانستی مرۆڤایەتییە کە کۆمەڵگا پێش دەخات و لە زانستی مرۆڤایەتیدا کۆمەڵگای ئازاد و گفتوگۆ و ڕاوێژ گەشە دەکات.

ناوبراو ئاماژەی بە بشێوییەکان ئەم دواییەش دا و جەختی کرد: داوا دەکەم ڕێز لە خەڵکی ئێران بگرن و کەس بۆی نییە لە دەستەواژەگەلی وەک تەپوتۆز و زبڵ و ... بۆ خەڵکی سەرشەقام کەڵک ببات و تانەیان لێ بدات. ئەگەر کەسێک لە شوێنێکەوە هان دراوە و سیخۆر بووە با دادگەیەکی ساڵحدا دادگەیی بکرێت. تاقمێک هاتوونەتە سەرشەقام و تاقمێکی دیکە بەهرەیان لەو فەزایە بردووە و ئەوە شتێکی ئاساییە لە هەموو جیهاندا.

ڕاشیگەیاند: گەلی ئێمە گەلێکی مەزنە و بشێوی و ناڕيزایەتییەکان کۆتایی پێهاتووە و هێزەکانی ئاسایشی ئێمە دۆخەکەیان بە باشی ئیدارە کردووە و ئێستا نۆرەی دەروونناسانی کۆمەڵایەتی و چالاکانی بواری زانستی مرۆڤایەتییە کە سەبارەت بەو ناڕەزایەتیانە شرۆڤە و لێکدانەوە بکەن.

ڕۆحانی بە ئاماژە بە شێوەکانی دروستی کەڵک وەرگرتن لە تۆڕە کۆمەڵایەتییەکان و ڕۆڵی کارای زانستی مرۆڤایەتی لەوبارەیە، جەختیشی کرد: بە خۆشحاڵییەوە ئەمریکاییەکان لەو سۆنگەشەوە وەک بەرجام شکستیان هێنا، بەڵام گەلی ئێمە بە یەکگرتووییەوە سەرکەوتن و دەبێ لە پەنای ئەو یەکگرتووییە، سەرکەوتنگەلی زیاتر بە دەست بێنین.

News Code 16046

نیشانەکان

بۆچوونی ئێوە

You are replying to: .
  • 8 + 10 =