هه‌رێمی کوردستان ڕۆڵی له‌ بشێوی ئێراندا نه‌بووه‌

حکومه‌تی هه‌رێمی کوردستان ڕه‌تیکرده‌وه‌ که‌ ڕۆڵی له‌ بشێوییه‌کانی ئه‌م دواییه‌ی ئێراندا ببێت.

به‌ ڕاپۆرتی ئاژانسی هه‌واڵی مێهر له‌ ماڵپه‌ڕی حکومه‌تی هه‌رێمی کوردستان، سه‌فین دزه‌یى وته‌بێژى فه‌رمیى حكوومه‌تى هه‌رێمى كوردستان، ڕایگه‌یاند:سایتى ته‌سنیمى ئێرانى له‌ زارى ئاغاى موحسینى ڕه‌زایى، سكرتێرى گشتیى ئه‌نجومه‌نى ده‌ستنیشانكردنی به‌رژوه‌ندییه‌كانى ئێرانه‌وه‌، تۆمه‌تێكى بێبنه‌ماى به‌رامبه‌ر هه‌رێمى كوردستان بڵاوكردۆته‌وه‌ گوایه‌ خۆپیشاندانه‌كانى ئێران له‌ هه‌ولێره‌وه به‌ڕێوه‌ ده‌برێن!.
وتیشی: "ئێمه‌ به‌ هه‌موو شێوه‌یه‌ك ئه‌م تۆمه‌ته‌ دروستكراوه‌ بێبنه‌مایه‌ كه‌ له‌ هه‌موو ڕاستییه‌كه‌وه‌ دووره،‌ ڕه‌تده‌كه‌ینه‌وه‌. هه‌رێمى كوردستان به‌ كرده‌وه‌ سه‌لماندوویه‌تى كه‌ هه‌میشه‌ فاكته‌رى ئارامى و سه‌قامگیریى ناوچه‌كه‌ بووه‌ و هه‌رگیز ڕێگه‌ى نه‌داوه‌ و نادات ببێته‌ هۆى ئاڵۆزى و دروستبوونى پشێوى له‌ وڵاتانى دراوسێ."
هه‌رێمى كوردستان له‌گه‌ڵ وڵاتانى دراوسێ، ناوچه‌كه‌ و جیهانیش هه‌میشه‌ خوازیارى په‌یوه‌ندییه‌كى دۆستانه‌یه‌ له‌سه‌ر بنه‌ماى ڕێزگرتن و به‌رژوه‌ندیى هاوبه‌ش. ئه‌م جۆره‌ لێدوانانه‌ هیچ خزمه‌تێك به‌ دراوسێیه‌تى و په‌یوه‌ندییه‌كانى هه‌رێمى كوردستان و كۆمارى ئیسلامى ناكەن.

 

News Code 15862

نیشانەکان

بۆچوونی ئێوە

You are replying to: .
  • 8 + 9 =