بە ڕاپۆرتی ئاژانسی هەواڵی مێهر، سەید سادق شەرەفی ئەندامی بزووتنەوەی "ئەنساروڵڵا"ی یەمەن لە لێدوانێک بۆ هەواڵنێری مێهر سەبارەت بە بەرزبوونەوەی ڕێژەی تۆمەتەکانی ئەمریکایی هاوپەیوەوند بە پشتگیریی مووشەکی و چەکی سەربازیی ئێران لە هێزە یەمەنییەکان، وتی: پەرەدان بەو پاگەندەیە لە لایەن ئەمریکاییەکان بە جۆرێک پشتگوێ خستنی تەواو پرێنسیپە ئەخلاقییەکانە. لە کاتێکدا کە ویلایەتە یەکگرتووەکانی ئەمریکا بە پێدانی چەکی قەدەغەکراوەی نێودەوڵەتی پاڵپشتیی داگیرکەرانی سعوودی دەکات و داگیرکەرانی سعوودی بەو چەکانە هێرش دەکەن سەر خەڵکی سڤیل و شارەکان، نەخۆشخانەکان، پرد و مزگەوتەکان بۆردومان دەکەن، هیچکام لە بەرپرسانی ئەمریکایی بۆ کوژرانی خەڵکی بێ تاوانی یەمەن بە دەنگ نایەن و ئەو دەستدرێژییە ئیدانە ناکەن.
وتیشی: ئەوە لە خۆیدا دەرخەری هەڵوێستە نائەخلاقییەکانی واشنتۆنە و هێنانە ئارای پرسی پاڵپشتیی مووشەکیی ئێران لە خەڵکی یەمەن هەوڵێکە بۆ داپۆشینی ئەو نائەخلاقییە و بە لارێدا بردنی ڕای گشتیی جیهانی و ناوچەیی.
ئەندامی بزووتنەوەی "ئەنساروڵڵا"ی یەمەن بیری هێنایەوە: ئەمڕۆکە یەمەن بەرەوڕووی هەموجۆرە داگیرکارییەکی سەربازی لە لایەن سعوودییەکان و هاوپەیمانانی دواکەوتوویەتی. هەر بۆیە ئاساییە کە خەڵکی یەمەن بۆ بەرەنگاربوونەوەی دەستدرێژییەکان بەرگری لە خۆی بکات و مافی خۆیەتی کە لە پێناو بەرگری کردنی خۆی لە هەر جێیەک پێی خۆشە چەک بکرێت و ئەو مووشەکانەی ئێستا بە دەستی هێزەکانی یەمەنەوەیە، ماوەیەکی زۆرە کە دابین کراون.
شەرەفی جەختی کرد: ئەوە توانستی ناوخۆپیی یەمەنییەکانە کە توانیویەتی مووشەکگەلی پێشکەوتوو بەرهەم بهێنێت و لەوە بە دواش ڕەوتی پێشکەوتەترکردنی مووشەکەکانمان درێژەی دەبێت، بۆ ئەوەی مووشەکانمان بتوانن ئامانجگەلێکی ترسێنەرتری دوژمنان بپێکن.
ناوبراو هەروەها لە وەڵامی لایەنگرانی هەندێک لە وڵاتانی ناوچەیی و لەوان ئیماراتی یەکگرتووی عەرەبی لە واشنتۆن بۆ تۆمەتبارکردنی ئێران بە پێدانی مووشەکی بە یەمەنییەکان، ڕایگەیاند: ڕژیمی ئالی نەهیان نەک دەوڵەتێکی عەرەبی، بەڵکوو ڕژیمێکی عێبرییە و ئەمڕۆش داکۆکی لە هەڵوێستگەلێک دەکات کە زۆربەی ئەمریکاییەکان لە دژی ئێران دەیڵێن. ئەوان بە سەدان ملیارد دۆلار چەکیان لە بەریتانییەکان، ئەمریکاییەکان و زایۆنیستان کڕیوە و بەو چەکانە خەڵکی بێ تاوان و سڤیلی پێدەکوژن. ئەوان لە یەمەندا تووشی هەڵەی لێکدانەوە هاتوو‌ن و لە کاتێکدا ئێران بە پڕچەککردنی خەڵکی یەمەن تۆمەتبار دەکەن کە لە یەمەندا هیچ چەکێکی ئێرانی بوونی نییە و ئێران هیچکات چەکی بۆ هێزەکانی ئێمە نەناردووە.
ئەو ئەندامەی بزووتنەوەی "ئەنساروڵڵا"ی یەمەن بە ئاماژە بەوەی کە ئەگەر ئێمە مووشەکگەلی ئێرانیمان پێبایە، شایەدی ڕەوشێکی دیکە و کۆچی بە کۆمەڵ لە شارەکانی عەرەبستان دەبووین، ڕاشیگەیاند: ئیماراتییەکان، سعوودییەکان و پاڵپشتانی ئەمریکایی بۆ تۆمەتبارکردنی ئێران لە پێدانی چەک بە هێزەکانی یەمەنی درۆ دەکەن. ئەوان لەو رێگەوە بە دوای ئەوەوەن تا تاوانە جەنگی و دژە مرۆییەکانی خۆیان سەرپۆش بنێنەوە و ئەو جەنایەتانەیان بشارنەوە. هیچ چەکێکی ئێرانی لە یەمەندا بوونی نییە.
شەرەفی جەختی لەوەش کرد: داگیرکەران دەزانن کە ئەمڕۆ ورەیەکی بەرز بۆ بەرەنگاربوونەوەی دەستدرێژییە سەربازییەکانیان لە یەمەندا لە ئارا دایە. لەوە بەدواش هێرشگەلی مووشەکیی یەمەنییەکان درێژەیان دەبێت. مووشەکەکان لەو بەدواش بە دەسەڵاتێکی زیاتر دەتەقێندرێنەوە و تەنانەت ڕەنگە شوێنی نیشتەجێتیی شازادەکان لە ئیمارات و عەرەبستانیشمان کردە ئامانج.
Your Comment