بە ڕاپۆرتی ئاژانسی هەواڵی مێهر لە ئێن ئارتی، جێگری بەڕێوەبەری تەندروستی هەڵەبجە رایگەیاند: بەهۆی بومەلەرزەکەوە نۆ کەس برینداربوون، کەسێک قاچی شکاوە، ژمارەیەک هاوڵاتیش برینی سوکیان هەیە و هەندێکی تریش کاریگەری دەرونیان لەسەر دروستبووە.
هەروەها ئاماژە دراوە کە بەهۆی راکردن و ترسەوە ئەو هاووڵاتیانە برینداربوون و هیچ رووداوێکی رووخانی باڵەخانە تۆمار نەکراوە، بەڵام هەندێک لە بیناکان درزیان تێکەتووە.
ئەمە لە حاڵێکدایە کە بەهۆی ترسی دووبارەبوونەوەی بومەلەرزەکە، بەشێکی زۆر لە دانیشتوانی هەڵەبجە هاتوونەتە دەرەوەی ماڵەکانیان و لەسەر شەقامەکان ماونتەوە.
هەروەها قائیمقامی دەربەندیخان رایگەیاند: بەهۆى بومەلەرزەکەوە دوو کەس برینداربوون و ١٠ کەسیش بەهۆى تێکچوونى بارى دەروونیانەوە ڕەوانەى نەخۆشخانە کراون.
بەپێی راگەیەندراوی بەرێوەبەرایەتی کەشناسی و بومەلەرزەزانی هەرێم، بومەلەرزەکەی ئێوارەی ئەمڕۆ بە گوڕی شەش پلە بە پێوەری ریشتەر روویداوە و چەقی بومەلەرزەکە هەڵەبجە بووە.
بۆچوونی ئێوە