هه‌رێمی کوردستان خاڵه‌ سنوورییه‌کانی راده‌ستی عێراق ده‌کات

ھەرێمی کوردستان ئامادەیی نیشان دەدات خاڵە سنورییەکان ڕادەستی حکومەتی عێراق بکات.

به‌ ڕاپۆرتی ئاژانسی هه‌واڵی مێهر، شاخەوان بەکر سەرپەرشتیاری مەرزی نێودەوڵەتی باشماخ بەSNNی ڕاگەیاند: "حکومەتی ھەرێم و وەزارەتی دارایی لیژنەیەکی تایبەتیان پێکھێناوە بۆ چۆنێتی بەڕێوەبەردنی خاڵە سنوریەکان لەلایەن ھەرێم و بەغدا کە لەمادەی ١١٤ی دەستوری عێراقدا ئاماژەی پێکراوە".

وتیشی: "ئەگەر شێوازی بەڕێوەبەردنی خاڵەسنوریەکان یەکلابکرێتەوە بەتاییەت ئەوەی کە حکومەتی عێراق داوایدەکات، بەدڵنیاییەوە ئەرکی دابینکردنی شایستە داراییەکان و موچەی کارمەندانی دەروازەکانیش دەکەوێتە ئەستۆی حکومەتی عێراق".

ئاماژەی بەوەشدا، جگەلەوەش بەشێکی زۆری دامەزراوەکانی دیکەی ھەرێم لەئەستۆی حکومەتی عێراق دەبێت بەو مەرجەی ڕێککەوتنی کۆتایی لەبارەی بەڕێوەبردنی خاڵە سنوریەکانەوە بکرێت.

سەرپەرشتیاری مەرزی نێودەوڵەتی باشماخ ئەوەشی نەشاردەوە، تائێستا بەنوسراوی ڕەسمی ھیچ بڕیارێکیان بەدەستنەگەیشتوە کە تایبەتبێت بەدابینکردنی موچەی کارمەندی مەرزەکان لەلایەن بەغداوە.

ئەوەشی وت: "بەگوێرەی ئەو زانیاریانەی بەدەستمانگەیشتوە ھەرێم ئامادەیی نیشانداوە داواکاریەکەی حکومەتی عێراق جێبەجێکات سەبارەت بەڕادەستکردنی خاڵە سنوریەکان".

لێدوانی سەرپەرشتیاری مەرزی نێودەوڵەتی باشماخ لەکاتێکدایە، ئێوارەی ڕۆژی چوارشەممە سەعد حەدیسی وتەبێژی ڕەسمیی حکومەتی عێراق ھۆکاری ڕێکنەکەوتنی عێراق و ھەرێمی گەڕاندەوە بۆ ئەوەی تائێستا ھەرێم خاڵە سنوریەکانی ڕادەستی حکومەتی عێراق نەکردوە.

News Code 15081

نیشانەکان

بۆچوونی ئێوە

You are replying to: .
  • 4 + 13 =