زاملی ئاشکرای کرد؛

چوناوچۆن داعشییەکان لە سووریا و عێراقەوە قاچاخ دەکرێن؟

ناسەی هەواڵ: 4164730 -
سەرۆکی کۆمیتەی ئاسایش و بەرگریی پەرلەمانی عێراق ئاماژەی دایە ڕەوتی قاچاخی داعشییەکان و ئەو نرخەی لەو رێگایەدا خەرج دەکرێت.

بە ڕاپۆرتی ئاژانسی هەواڵی مێهر بە گێڕانەوە لە سپۆتنیک، حاکم زاملی سەرۆکی کۆمیتەی ئاسایش و بەرگریی پەرلەمانی عێراق نەهێنیی قاچاخی داعشییەکانی ئاشکرا کرد.

ناوبراو وتی: هەندێک لە بری وەرگرتنی نرخێکی ٥ تا ٥٠ هەزار دۆلاری دەستیان هەیە لە قاچاخی داعشییەکان لە عێراق بۆ سووریا یان لە سووریاوە بۆ عێراق و لەمناوە بە پێی پێگەی تەکفیرییەکە ئەو نرخە جیاوازە.

زاملی خوازیاری پێوشوێن گرتنی یاسایی قاچاخچییەکان و ڕادەست کردنیان بە دەزگای داد بوو.

ڕاشیگەیاند: قاچاخی داعشییەکان بە شێوەگەلی جۆراوجۆرەوە دەکرێت لەوان هەندێک کەسایەتیی بێ ئیرادەی سەر بە دەزگای ئاسایش یان سەر بە لایەنە دیارەکان ئەو کارە ئەنجام دەدەن و یان شوانەکان، داعشییەکان بە قاچاخ دەپەڕێننەوە. هەر بۆیە دەبێ لایەنی هەواڵگری چالاک بکرێت و پێوشوێنی قاچاخچییەکان هەڵگرێت و ڕادەستی دەزگای دادیان بکات، چونکا مەترسیی ئەو قاچاخچیانە کەمتر لە داعش نییە.

زاملی وتیشی: داعشییەکان لە عێراقەوە دەچنە سووریا و لەوێوە دەچنە تورکیا و یان ڕاستەوخۆ لە عێراقەوە دەچنە خاکی تورکیا. بەڵام باوترین شێوەی لە سووریاوە بۆ تورکیا و پاشان بەرەو ئەورووپایە. هێزەکانی ئاسایشی عێراق هەوڵ دەدەن تەواو سنوورەکان کۆنتڕۆڵ بکەن، بەڵام ئەو کارە زۆر دژوارە چونکە سنوورەکانی عێراق لە سووریا نزیکەی ٦٠٠ کیلۆمەترە.

ناردنی بۆچوون

9 + 3 =