هیچ کات ئێران پرسی تەکفیرییەکان بە سوننەوە پەیوەند نادات

وەزیری ئیتلاعات لە کۆڕی پێش نویژەکانی هەینی سێ پارێزگای کرماشان، ئازەربایجانی ڕۆژاوا و کوردستان وتی: کۆماری ئیسلامی ئێران هیچ کات پرسی تەکفیرییەکان پەیوەند نادات بە ئەهلی سوننەوە.

بە ڕاپۆرتی ئاژانسی هەواڵی مێهر، حوجەتولئیسلام سەید مەحموود عەلەوی، نیوەڕۆی ئەمڕۆ، سێ شەمە سێ ڕەشەمە لەگەڵ پێش نوێژانی هەینی سێ پارێزگای ئازەربایجانی ڕۆژاوا، کوردستان و کرماشان لە سنە دیداری کرد.

عەلەوی لەم دیدارەدا وتی: داعش ئاکامی پیلانی ئەمریکایی و ئیسرائیلیەو ئامانجی دوبەرەکی نانەوە لە نێوان موسڵمانانە بۆ ئەوەی ئاسایشی ڕژێمی زایۆنی بپارێزرێت.

 ئەو بە ئاماژە بە دژایەتی سوننەکان لەگەڵ ڕەوتی بەلارێداچوودا، وتی: نئەهلی سوننە یەکەم کەس بوون کە دژایەتی خۆیان بۆ وەهابیەت ڕاگەیاند.

 ڕاشیگەیاند کە دوژمن بە ئۆپراسیۆنی ڕەوانی دەیەوێت ڕۆحیەی شۆڕشی ئێوە لاواز بکات و ئێوە نابێت نیگەران بن و وەک ڕابردوو پستیوانی نیزام و شۆڕش بن.

 عەلەوی وتیشی: هەموومان یەک ئۆمەتین و دەبێ دڵەکانمان لەیەک نزیکتر بێت.

 جەختی لەوەش کردەوە کە وەزارەتی ئیتلاعات پیلانی زۆری دژی وڵات پووچەڵ کردووەتەوە و هەموو ساڵێک ئاستی ئەمنی وڵات زیاتر دەبێتەوە.

News Code 8392

نیشانەکان

بۆچوونی ئێوە

You are replying to: .
  • 6 + 1 =