لە کەمپی هەول لە حەسەکە چ ڕوو دەدات؟

بە ڕاپۆرتی ئاژانسی هەواڵی مێهر، سەرچاوەگەلێک لە ڕێکخراوە مرۆڤدۆستانەکان ڕایانگەیاند کە زۆربەی بنەماڵە بیانیەکانی داعش دوای کشانەوەی هێزەکانی هەسەدە، کەمپی هەولیان بەجێهێشتووە.
سەرچاوەیەک لە ئەو ڕێکخراوەوە ڕایگەیاند: بەشی بیانی کەمپی هەول دوای کشانەوەی هێزەکانی هەسەدە لە کۆتاییەکانی جوون و ڕادەست کردنی کەمپ بە هێزە ئەمنیەکانی سووریا، چۆڵ بووە.
بە وتەی سەرچاوەیەکی دیکە، تەنیا 20 بنەماڵە لە بەشی تایبەتی بیانیەکان کە لە ژێر چاوەدێری تایبەتدا بوون و ژمارەیەکی زۆری ژن و منداڵی خەڵکی ڕووسیا، قەوقاز و ئاسیای ناوەندی تێدا بوو، ماونەتەوە.
ناوبراو زیادی کرد: بەشێکی گەورەیان بۆ ئیدلب و دیکە پارێزگاکان قاچاخ کراون و ژمارەیەکی کەمیشیان چوونەتە ئەو ناوچە لە کەمپەکە کە تایبەتی سووریاییەکان بووە.
بە گوێرەی وتەی شایەتحاڵان، بەشێک لە دانیشتووانی سووریایی کەمپەکە کە ژمارەیان زیاتر لە 15 هەزار کەس بوو و هەروەها عێراقیەکان کە زیاتر لە 2200 کەسن، کەمپەکەیان بەجێ هێشتووە.