بە ڕاپۆرتی ئاژانسی هەواڵی مێهر، کەناڵی هەواڵی NBC News ئەمریکا لە زمانی عەلی شەمخانی ڕاوێژکاری سیاسی ڕێبەری ئیرانەوە، ڕاپۆرتی دا کە ناوبراو لە گفتوگۆ لەگەڵ ئەو کەناڵە هەواڵنێرییەدا وتوویە: ئێران ئامادەیە لە چوارچیوەی ڕێککەوتنێک لەگەڵ دۆناڵد ترامپ، سەرۆک کۆماری ئەمریکا بەڵێنی گرینگ لەوانە وەلانانی پاشەکەوتی ئۆرانیۆم لە ئاستی باڵا و دەستنەخستنی چەکی ئەتۆمی قبووڵ بکات؛ بەو مەرجەی کە سەرجەم گەمارۆ ئابوورییەکانی سەر ئێران بەپەلە هەڵبوەشێتەوە.
ئەو کەناڵە ئەمریکییە لە زمانی شەمخانیەوە زیادی کرد: ئێران ئامادەیە تەنیا تا ئاستی پێویستی ناسەربازی ئۆرانیۆم بپیتێنێت و لە ئەو ڕێگایەدا، ئیزنی چاوەدێری تەواوی چاوەدێرە نێودەوڵەتیەکانیش دەدات.
ئێن بی سی نیوز نووسی: شەمخانی لە وەڵام بە ئەو پرسیارە کە لە ئەگەری بەدی هاتنی ئەو هەلە، ئایا ئێران ئەمڕۆ ئامادەی واژۆی ڕێککەوتننامەیە، بە ڕاشکاوانە وتی: بەڵێ.
بە گوێرەی ڕاپۆرتی ئەو کەناڵە ئەمریکییە، شەمخانی زیادی کردووە: هێشتا ئەگەری ڕێککەوتن بوونی هەیە. ئەگەر ئەمریکییەکان بە پێی پاگەندەیان هەڵسوکەوت بکەن، بەدڵنیاییەوە دەتوانین پێوەندی باشترمان هەبێت. ئەوە دەتوانێت لە داهاتوویەکی نزیکدا ببێتە هۆی دۆخێکی باشتر.
Your Comment