لیاقەت بەلووچ جێگری ئەمیری کۆمەڵی ئیسلامی پاکستان لە وتوێژ لەگەڵ هەواڵنێری ئاژانسی مێهر، وێڕای ئیدانەکردنی شەڕاشۆییەکانی ئەم دواییەی ڕژیمی زایۆنی دژی ئێران، وتی: ئیسرائیل بە یارمەتیی ئەمریکا و وڵاتانی عەرەبی هەوڵی تێوەگلاندنی ناوچە لە ئاگری شەڕ دەدات.
وتیشی: ئێمە شەڕاشۆییەکانی ڕژیمی زایۆنی دژی کۆماری ئیسلامی ئێران ئیدانە دەکەین و دەستدرێژیی ڕژیمی زایۆنی بۆ سەر خاكی بە پێشێل‌کردنی ئاشکرای سەروەریی ئێران و یاساگەلی نێودەوڵەتی دەزانین، ئەگەرچی بە جەنایەتەکانی ڕژیمی زایۆنی لە دنیادا ڕوخساری سەرەکیی ڕۆژئاوا و زایۆنی ئاشکرا بووە.
جێگری ئەمیری کۆمەڵی ئیسلامی پاکستان بە ئاماژە بە ڕاگەیێندراوی سەرۆک وەزیران و وەزیری دەرەوەی پاکستان بۆ ئیدانەکردنی ئەو هێرشانە، ڕاشیگەیاند: بێ گومان لە هەر گرفت و قەیرانێکدا خەڵک و دەوڵەت و بەرپرسانی پاکستانی بە تەواو ماناو لە پەنای ئێرانن.
لیاقەت بەلووچ جەختی لەوەش کرد کە پێویستە هەموو موسڵمانانی جیهان بۆ یارمەتی‌دانی یەکتری بێنە مەیدان و بۆ بەرەنگاربوونەوەی دوژمن و بەتایبەت دوژمنی داگیرکەری زایۆنی هاوپەیمانی و هاوڕیزییەکی تۆکمە پێک بێنن.
Your Comment