بە ڕاپۆرتی ئاژانسی هەواڵی مێهر، ئیسماعیل بەقایی وتەبێژی وەزارەتی دەرەوەی ئێران پاگەندە باس کراوەکان لە کۆبوونەوەی کۆتایی شۆرای ئەورووپا لە ڕۆژی پێنجشەممە لە دژی کۆماری ئیسلامی ئێرانی ناڕاست و سەرلێشێوێنەر وەسف کرد و بە توندی ئیدانەی کرد.
وتەبێژی وەزارەتی دەرەوە وێڕای ڕەت کردنەوەی پاگەندەی فرۆشی مووشەکی بالستیک لەلایەن ئێرانەوە بە ڕووسیا وتی: پێشتریش وتوومانە کە کۆماری ئیسلامی وێڕای دژایەتی لەگەڵ شەڕ و جەخت لەسەر ڕێز بۆ یەکپارچەیی سەروەری و خاکی وڵاتەکان، داوای ڕێگاچارەی دیمپلۆماتیک بۆ کێشەکانی نێوان ڕووسیا و ئۆکرانیا دەکات.
بەقایی هەروەها دەستێوەردانی شۆرای ئەورووپا سەبارەت بە هاوکاری بەرگری و سەربازی نێوان وڵاتەکانی ناڕەوا وەسف کرد.
ناوبراو هەروەها وڵاتانی ئەورووپیی بە هاودەستی لەگەڵ ئیسرائیل لە جەنایەتی جەنگی و پێشێل کردنی مافی مرۆڤ تاوانبار کرد.
وتەبێژی وەزارەتی دەرەوەی ئێران هەروەها پاڵپشتی کۆماری ئیسلامی ئێران لە بەرخۆدانی فەلەستین و لوبنانی بە پێی یاسا نێودەوڵەتییەکان وەسف کرد.
Your Comment