بە ڕاپۆرتی ئاژانسی هەواڵی مێهر، سەید عەباس عێراقچی وەزیری دەرەوەی ئێران لە کۆنگرەی ڕۆژنامەڤانی لە بەیرووت وتی: کۆماری ئیسلامی ئێران لە هەوڵەکانی لوبنان بۆ بەرەنگار بوونەوەی ئیسرائیل پاڵپشتی تەواو دەبێت.
ناوبراو زیادی کرد: ئەمڕۆ گفتوگۆی باشمان لەگەڵ بەڕێز میقاتی سەرۆک وەزیرانی بەڕێز و ئاغەی نەبی بەری سەرۆکی مەجلیسی لوبنان لەسەر گۆڕانکارییەکانی ئەم دواییە هەبوو و جەختم کرد کە ئێران لە پاڵ لوبنان دەبێت.
وەزیری دەرەوەی ئێران وتی: دڵنیاین جەنایەتەکانی ئیسرائیل وەکوو ڕابردوو شکست دەهێنێت و گەلی لوبنان سەردەکەوێت.
هەروەها لە وەڵام بە پرسیارێک لەسەر ئەوەی کە شرۆڤەی ئێوە لەسەر ئەوەی کە دەڵین ئێران لوبنانی فرۆشتووە چییە و پێتان وایە پرسی نێوان ئێران و ئیسرائیل بەرەو کوێ دەڕوات، ئایا ئێران بنەکانی ئەمریکا بوردمان دەکات، وتی: ئامادەبوونی من لە بەیرووت لە ئەم دۆخە دژوارەدا و لە حاڵێکدا کە هەموو شەوێک ئیسرائیل هێرش دەکاتە سەر بەیرووت خۆی باشترین نیشانەیە کە کۆماری ئیسلامی ئێران هەر پتەو لە پشت حزبوڵڵا دەبێت و درێژە دەداتە پاڵپشتی لە شیعەکانی لوبنان و خەڵکی لوبنان.
هێرش بۆ سەر ئیسرائیل بەرگری لە خۆمان بە پێی جاڕنامەی نەتەوەیەکگرتووەکان بوو
وەزیری دەرەوەی ئێران وتی: هێرشەکانی ئێمە ڕێک بەرگری لە خۆمان بوو، بەرگری ڕەوا بە پێی جاڕنامەی نەتەوەیەکگرتووەکان.
ئەگەر ئیسرائیل درێژە بدات ئێمە سەختتر وەڵام دەدەینەوە
عێراقچی وتیشی: ئێمە نامانەوێت درێژە بدەین مەگەر ئەوەی کە ئیسرائیل بیەوێت هێرشەکان درێژە بدات کە ئاوا بێت هێرشی ئێمە سەختتر دەبێت و بەدڵنیاییەوە وەڵام دەدەینەوە.
ئاگربڕ ئەبێ بە شێوەی هاوکات لە لوبنان و غەززە بێت
وەزیری دەرەوە بە جەخت لەسەر ئەوەی کە بە مەبرجی ئەوەی کە مافی گەلی لوبنان لە ئاگربڕ لەبەرچاو بگیردرێت ، پاڵپشتی لە ئاگربڕ دەکەین درێژەی دا: بە مەرجی ئەوەی کە ئەو حاگربڕە مافی گەلی لوبنان رەچاو بکات و لەلایەن بەرەی بەرخۆدانەوە پشت ڕاست بکرێتەوە پاڵپشتی دەکەین و ئاڵبەت ئەبێ ئەو ئاگربڕە بە شێوەی هاوکات لە غەززە جێبەجێ بکرێت.
Your Comment