بە ڕاپۆرتی ئاژانسی هەواڵی مێهر، سەرچاوە ڕۆژئاواییەکان پاگەندەی نوێیان سەبارەت بە شێواز و شوێنی ناشتنی تەرمی شەهید سەید حەسەن نەسروڵڵا ئەمینداری گشتی حیزبوڵای لوبنان کرد.
سەرچاوە ڕۆژئاواییەکان پاگەندەیان کردووە: سەرچاوەیەکی نزیک لە بزووتنەوەی حزبوڵا ڕایگەیاند، تەرمی شەهید سەید حەسەن نەسروڵڵا بە شێوەیەکی کاتی لەسەر ئەمانەت لە شوێنێکی نادیاردا بە خاک سپێردراوە تا کاتی ئامادەکردنی مەرجەکان بۆ بەڕێوەبرنی ڕێوڕەسمی بەڕێکران و ناشتنی تەرم و پرسەکە.
ئەمەش دوای ئەوە دێت کە ئیسرائیل هەڕەشەی کردوووە کە کاروانی پرسە و شوێنی ناشتنی شەهید نەسروڵا دەکاتە ئامانج.
ئەمە لە حاڵێکدایە کە سەرچاوەیەکی سەر بە حیزبوڵڵا ، ئەو هەواڵە بڵاوکراوانەی ڕەتکردەوە.
پێویستە ئاماژە بەوە بکرێت کە سوپای زایۆنیستی ئێوارەی ڕۆژی هەینی ٦ی ڕەزبەر بەلایەنی کەمەوە بە ٨٠ بۆمبی هاوەن هێرشی کردە سەر گەڕەکی باشووری لوبنان و ناوەندی فەرماندەیی حیزبوڵڵای کردە ئامانج. ڕۆژێک دواتر حزبوڵای لوبنان بە دەرکردنی بەیاننامەیەک شەهیدبوونی سەید حەسەن نەسروڵڵای پشتڕاستکردەوە.
Your Comment