بە ڕاپۆرتی ئاژانسی هەواڵی مێهر، محەممەد ئیسلامی، سەرۆکی ڕێکخراوی وزەی ئەتۆمی لە دیمانەیەکی لەگەڵ ماڵپەڕی نووینگەی ڕێبهری باڵای ئێران باسی، لە توانایی و بڕشتی زانستی و پیشەسازییەکانی کۆماری ئیسلامیی ئێران لە کەرتی پیشەسازیی ئەتۆمی کرد.
لە بەشێکی قسەکانیدا سەبارەت بە دۆخی ئێستای هێزی ئەتۆمی کۆماری ئیسلامی ئێران لە ڕووی بازاڕی هەناردەکردنەوە، ئیسلامی وتی: ئەو توانایەی کە کۆماری ئیسلامی بەدەسی هێناوە، توانیویەتی قۆرخکاری لەم کەرتە بشکێنێت و بچێتە ناو بازاڕە جیهانییەکانی خزمەتگوزاری و بەرهەم لەم بوارەدا.
وتیشی: لە ئێستادا بەرهەمەکانمان هەناردەی چەند وڵاتێک دەکرێن. دەتوانین دەرمانی ڕادیۆیی هەناردەی هەموو بەشەکانی جیهان بکەین. لەبەر ئەوەی نیوە تەمەنی پزیشکی ڕادیۆیی کورتە، گرنگە تۆڕێکی فڕین هەبێت کە بتوانێت بیگەیەنێتە بەکارهێنان. یەکێک لە کۆمپانیا بەناوبانگەکانی جیهان کۆمپانیایەکە کە دەرمانی ڕادیۆیی لە ئێران بەرهەم دەهێنێت و پشتیوان بە خودا پێش کۆتایی ساڵ، ئەم توانایە نوێیە، کە نزیکەی پێنج بۆ حەوت هێندە توانای ئێستامانە، دەکرێتەوە.
جەختیشی کرد: بازاڕێکی فراوانی هەیە و خواستێکی زۆری لەسەرە. ئێمە خزمەت دەکەین تا ئەو شوێنەی کە خزمەتگوزاری گواستنەوە دەتوانێت بیانگەیەنێت. ئێستا ئاوی قورس و وەرگیراوەکانی ئاوی قورس هەناردە دەکرێن. ئێمە بڕیار لەسەر چۆنیەتی فرۆشتن دەدەین و ئەمەش خۆی خاڵێکی سەرەکی و ستراتیژییە. خاڵی سێیەم پرسی خزمەتگوزارییە و هەم لە کەرتی خزمەتگوزاری و چ لە کەرتی پەروەردە و هەم لە کەرتی کاری هاوبەشی توێژینەوەی لۆجستیکیدا.
Your Comment