ئاگر کەوتنەوە لە نەخۆشخانەیەکی باکووری ئێران/بەرزبوونەوەی ژمارەی کوژراوان و برینداران

بە پێی ڕاپۆرتی ئاژانسی هەواڵی مێهر، بەرەبەیانی ئەمڕۆ سێشه‌ممه‌ 29ی جۆزەردان، ئاگر لە نەخۆشخانەی قائێم لە رەشت کەوتەوە و تیمەکانی ئاگرکوژێنەوە و مانگی سووریش ئامادەی شوێنی ئاگرەکە بوون و توانیان ئاگرەکە کۆنترۆڵبکەن و نەخۆشخانەکە چۆڵبکەن".

لە نەخۆشخانەکە 142 نەخۆش هەبوون کە 109 کەسیان لە بەشی ئاسایی و 33 کەسی دیکەیان لە بەشی چاودێریی چڕدابوون.

لە ئەنجامی رووداوەکە 9 نەخۆش گیانیان لەدەستداوە و نەخۆشەکانی دیکەش گواستراونەتەوە بۆ نەخۆشخانەکانی دیکە.

26 تیمی ئۆپەراسیۆن لەگەڵ 75 فریاکەوتن و 26 ئۆتۆمبێل (11 ئەمبولانس، سێ گرووپی فریاگوزاری و 12 ئۆتۆمبێلی فریاگوزاری) رەوانەی شوێنی رووداوەکە کراون.