کاردانەوەی ئێران بە وتە دژبەرانەکانی وەزیری دەرەوەی ئەڵمانیا

وتەبێژی وەزارەتی دەرەوەی ئێران، وتە دژبەرانەکانی وەزیری دەرەوەی ئەڵمانیا لە بەغدای ئیدانە کرد.

بە پێی راپۆرتی ئاژانسی هەواڵی مێهر، ناسر کەنعانی وتەبێژی وەزارەتی دەرەوەی ئێران رایگەیاند: چاوەڕوان دەکرا وەزیری دەرەوەی ئەڵمانیا پێش هەموو شتێ بە هۆی کردەوەی شەرم هێنەری دەوڵەتی بەرلین داوای لێبوردنی لە گەلی ئێران و عێراق بکردایە نەک هەوڵی ئەوە بدات بە پاگەندەی بێ بنەما دژی ئێران، مێژووی جەنایەتی وڵاتەکەی لە پشتیوانی کردنی ڕژێمی بەعس دژی ئێران و جەنایەتی دزێوی تەیار کردنی سەدام بە چەکی کیمیایی بە مەبەستی بەکارهێنانی دژی سەربازان و هاووڵاتیانی بێ دەرتانی ئێرانی و عێراقی بشارێتەوە.

کەنعانی راشیگەیاند: بە داخەون ئێستا ژمارەیەکی بەرچاو لە گرووپە تیرۆریستی و‌جیایی خوازەکان کە دەستیان بە خوێنی خەڵکی سڤیلی ئێران سوورە، لە ئەڵمانیا نیشتەجێن.

زیادیشی کرد: ئێران بەردەوام لایەنگری یەکپارچەیی و سەروەری خاکی عێراق بووە و لێدوانی وەزیری دەرەوەی ئەڵمانیا دژی ئێران لە بەغدا، نیشانەی بەردەوامیی روانگەی پشتگرانەی دەوڵەتی ئەڵمانیا لە تیرۆریستانی چەکدار و جیایی خوازە دژی کۆماری ئیسلامی ئێرانە.

News Code 45313

نیشانەکان

بۆچوونی ئێوە

You are replying to: .
  • captcha