بە پێی راپۆرتی ئاژانسی هەواڵی مێهر، هێزەکانی سوریای دیموکراتی – هەسەدە، لە راگەیێندراوێکدا ئاشکرای کرد کە لە ٢٩ی کانوونی یەکەمی ٢٠٢٢ بە بەشداری هێزەکانی ئاسایشی ناوخۆی باکور و ڕۆژهەڵاتی سوریا و هاوپەیمانی نێودەوڵەتی ئۆپەراسیۆنی بروسکەی جزیرەیان لە دژی داعش دەستپێکرد و ماوەی هەشت رۆژ بەردەوام بوو.
وەك لە ڕاگەیەندراوەكەی هەسەدە دا هاتووە: ئۆپەراسیۆنەکە لە ٥٥ گوند و ناوچەی هۆل و تل حەمس و تل براک و چەند شوێنێکیش لە سێ شارۆچکە و ناوچە فراوانەکانی سنوری سوریا و عێراق ئەنجام دراوە.
لەبارەی ئەنجامی ئۆپراسیۆنەكەوە ئەوەخراوەتەڕوو، لە ئۆپەراسیۆنەکانی گەڕان و هەڵکوتانە سەر شوێنە تیرۆریستییەکان، هێزەکانمان ١٥٤ چەتەیان دەستگیرکرد، کە بەشدارییان لە پلان و ئەنجامدانی هێرشە تیرۆریستییەکان و ئاسانکاریان کردووە.
هەروەها، لە ئۆپراسیۆنەكەدا ١٠٢ ئەندام و گومنالێکراو هەیە و سی کەس لەوانە لەئامادەکردن و گەیاندنی ئۆتۆمبێلی بۆمبرێژکراو بۆ شانە تیرۆریستییەکان کە لەمانگی کانوونی دووەمی ٢٠٢٢ هێرشیان کردە سەر زیندانی غوێران بەشدار بون.
Your Comment