بە پێی راپۆرتی ئاژانسی هەواڵی مێهر، سەید ئیبراهیم رەئیسی سەرۆک کۆماری ئێران ئەمرۆ پێنج شەمە لە دیدار لە گەڵ ژمارەیەک لە خەڵکی سنە لە هۆڵی ئازادی وتی:خزشحاڵین کە ئەمرۆ پرۆژەیەکی گەورەی ئاو لە سنە دەکەینەوە کە خەڵک هەشت ساڵە چاوەڕوانی بە ئەنجام گەیشتنن.
رەئیسی وتی: هیوادارین دیکەی گەڵاڵەکانی گەشەپێدانی پارێزگای کوردستان لەوانەش رێگای ئاسن بەزووترین کات بکرێتەوە.
وتیشی: پڕۆژەی فرۆکەخانەی سەقز لە بەرنامەی کاری دەوڵەتدایە و هیوادارین ئەم پرۆژەیەش بەزوویی بکەوێتە گەڕ.
لە بەشێکی تری قسەکانیدا رەئیسی رایگەیاند: لە کوردستاندا خۆراگری و موجاهەدەتی خەڵکمان بینی و لە بەرانبەر گرووپە دژە شۆڕشەکان و دژبەرانەوە خەڵکی ئەم پارێزگا خۆڕاگرییەکی بێ وێنەیان هەبوو.چونکوو لە سەرەتای شۆڕشەوە تا ئێستا گرووپە دژە شۆڕشەکانی خەیاڵی خاویان دەکرد و خەڵک بێ هیوایان کرد.
وتیشی: دوژمن پێیوابوو دەتوانێ بە بشێوی نانەوە و ئاژاوەگێڕی بیرۆکەی دزێوی خۆی بهێنێتەدی بەڵام خافڵ بوو لەوەی خوێنی هەزاران شەهید کە لە کوردستانەوە بەرزبوونەتەوە بەم شێوە فەرهەنگی گیانفیدایی و بەرخۆدانیان لە ناوچەکە پەرەپێداوە کە بۆ هەتاهەتایە دوژمن دەشکێنێت.
بۆچوونی ئێوە