بە ڕاپۆرتی ئاژانسی هەواڵی مێهر، حەسەن سالاریە، سەرۆکی ڕێکخراوی گەردوونی ئێران لە پێشکەوتنی بەرچاوی بەرنامە گەردوونییەکانی وڵات هەواڵی دا و وتی: مانگیلەی خەیام یەکێک لە مانگیلە چالاکەکانی ئێمەیە و جگە لە ئەوە، مانگیلەی خۆجەیی جۆراوجۆرمان لە بواری وێنەهەڵگری هەیە کە بەزوویی دەهاوێژرێن و یان لە قۆناغی داڕشتن و چێ کردنن.
ناوبراو بە جەخت لەسەر گرینگایەتی بەکارهێنانی هاوکاتی داتا مانگیلەییەکان بە ئاستی وردبینی جیاوازەوە وتی کە پێداویستی وڵات بە ئەو داتاگەلە زیادی کردووە و بە پێی پێشکەوتنی تەکنۆلۆژیا و بەرز بوونەوەی داواکاری، زەروورییە لە ماوەیەکی کورتدا داتای زیاترمان دەستبکەوێت تا بتوانین بەڕێوەبەرایەت باشترمان لە بوارە جیاوازەکان هەبێت.
سەرۆکی ڕێکخراوی گەردوونی ئێران وتی: مانگیلەکانی زەفەر، پایا و نموونەی دووهەمی کەوسەریش بەزوویی دەهاوێژرێن کە هەموویان دەستخستنی داتا وێنەیەکان ئاسان دەکەنەوە.
News ID 56499
Your Comment