ئەنجامی هەڵبژاردنی پارلەمانی لوبنان پەیامی گرینگی پێیە

سکرتێری گشتیی حیزبوڵای لوبنان پاش راگەیاندنی ئەنجامی هەڵبژاردنەکانی ئەم وڵاتە، وتی: ئەنجامی هەڵبژاردنەکانی پارلەمانی لوبنان پەیامی گرینگی پێیە.

بە پێی راپۆرتی ئاژانسی هەواڵی مێهر بە گویرەی ئەلمینار، سەید حەسەن نەسروڵا وێڕای ڕێزنان لە بەشداربووانی هەڵبژاردنی پارلەمانی لوبنان، وتی: ئاکامی گەورەی ئەم هەڵبژاردنە پەیامی گرینگی پێبەندبوون بە بەرخۆدان، دەوڵەتی عەدەڵاتخواز، چاکسازی، ئاسایش و گرینگی دان بە چارەسەر کردنی قەیرانی ئابووریی پێیە.

ئەو وتیشی: ئەم دەستکەوتە گەورە پاش هێرشی میدیایی دژی ئێمە و هاوپەیمانەکانی بەرخۆدان و سەرەڕای گوشاری ئابووری و قەیرانەکان بۆمان هاتە ئاراوە. ئێمە بینەری گەورەترین دزی لە لایەن بانکەکان و دەوڵەتی واشینتۆن لە لوبنان بووین و ئەمەش قەیرانێکی گەورە بوو.

ناوبراو هەروەها روونی کردەوە: ئەوەی سەبارەت بە بەرخۆدان بۆ ئێمە ڕووی دا، سەرکەوتنێکی گەورە بوو، کاتێ سەرنجی دۆخی شەڕ و تێچووەکانی ئەدەین، شانازی بە ئاکامەکەی دەکەین.

ئەو راشیگەیاند: هیچ گرووپ و لایەنێک ناتوانێ بڵێت زۆرترین کورسی پارلەمانی بە دەست ‌هێناوە و تا ئێستاش کەسێک شتێکی وەهای نەوتووە.

News Code 42047

نیشانەکان

بۆچوونی ئێوە

You are replying to: .
  • 9 + 2 =