نەوت و گاز خەوی لە بەرپرسانی هەرێمی کوردستان تێکداوە

گۆڤاری ئەمریکی ئەلمانیتۆر درێژەی شەڕ لە هەرێمی کوردستانی عێراق، بوونی پەکەکە لەو ناوچە و دژایەتی بەغدا لە گەڵ فرۆشتنی نەوت و گاز لە دەرەوەی هەرێمی وەکوو نیگەرانییە سەرەکییەکانی بەرپرسانی ئەو هەرێمە ناو برد.

بە پێی راپۆرتی ئاژانسی هەواڵی مێهر، جووتیار عادڵ، وتەبێژی دەوڵەتی هەرێمی کوردستان بە گۆڤاری ئەلمانیتۆری وتووە: دەوڵەتی بەغدا لەم ساڵانەی دواییدا هەوڵی داوە ڕێگری لە هەناردە کردنی نەوتی هەرێم بکات. بەغدا لە ساڵی ٢٠١٤ لە کاردانەوە بە هەناردەکردنی نەوتی هەرێم، بەشی بووجەی هەرێمی قەتع کرد بۆ ئەوەی بکەونە نێو قەیرانی ئابوورییەوە.

ئەم گۆڤارە کە لە گەڵ بەرپرسانی هەرێم وتووێژی کردووە، رایگەیاندووە: ئاسایش و سەقامگرتوویی کوردستانی زۆر بۆ ئەوان گرینگە بەڵام بوونی پەکەکە لەو ناوچە بە لەمپەرێکی جیدی بۆ خۆیان دەزانن.

هەژار ئیسماعیل لە بەرپرسانی وەزارەتی پێشمەرگەی هەرێم وتوویە: هەزاران لاوی کوردی خەڵکی سووریا بە ئامانجی شەڕ لە گەڵ داعش لە فێرکاری سەربازییدا بەشدارییان کرد بەڵام پەکەکە لە گەڕانەوەیان بۆ وڵاتی خۆیان رێگری دەکات.

هەروەها هێرشی جارجاری داعش بۆ ئەم ناوچە و نەبوونی هاوکاری پێویست لە نێوان هێزە کورد و عێراقییەکان وەکوو دیکەی نیگەرانییەکانی بەرپرسانی هەرێمی کوردستان باسی لە سەر کراوە.

News Code 41974

نیشانەکان

بۆچوونی ئێوە

You are replying to: .
  • 1 + 1 =