گەورەترین مانۆڕی سەربازی ئیسرائیل دەستی پێکرد

سەرچاوەکانی هەواڵ بەئاماژە بە دەسپێکی مانۆڕی مێژووی ئیسرائیل لە ئەمڕۆ دووشەممەوە، ڕاپۆرتیان دا کە بەرپرسانی باڵای ئەمنیەتی تێلاڤیڤ سەرەڕای بەڕێوەچوونی ئەو مانۆڕە، لە دەسپێکی شەڕ دژی غەزەش دەترسن.

بە ڕاپۆرتی ئاژانسی هەواڵی مێهر لە ماڵپەڕی ئەلنەشرە، سەرچاوە ئیسرائیلییەکان ڕاپۆرتیان دا کە لە ئەمڕۆ دووشەممەوە گەورەترین مانۆڕی مێژووی ئەو ڕژێمە لەژێر ناوی " عەرەبانەی ئاگر" بەڕێوە دەچێت.

هەواڵنێری سەربازی ماڵپەڕی ئیسرائیلی واللا لە ئەو بارەوە ڕایگەیاند: ئەو مانۆڕە سەربازییە کە لەلایەن ئەرکانی هاوبەشی سوپای ئیسرائیلەوە بەڕێوە دەچێت، ساڵی ڕابردوو دوای دەسپێکی ئۆپراسیۆنی "پاسەوانی دیوارەکان" واتا شەڕی 11 ڕۆژی غەززە) دواکەوتبوو.

ئاڵبەت سەرەڕای بەڕێوەچوونی ئەو مانۆڕە سەرچاوە زایۆنیستەکان پاگەندەیان کرد کە سوپای ئەو ڕژێمە بەم زووانە جەختی کردووە کە نایەوێت شەڕێک لە دژی غەززە دەست پێبکات.

دەوترێت کە گرووپەکانی بەرخۆدان لە کاردانەوە بە ئەو مانۆڕە کەوتوونەتە حاڵەتی ئامادەباشییەوە تا ئەگەر دوژمن هەڵەیەک بکات، ئامادەیی وەڵامدانەوەیان هەبێت.

News Code 41902

نیشانەکان

بۆچوونی ئێوە

You are replying to: .
  • 8 + 9 =