بە ڕاپۆرتی ئاژانسی هەواڵی مێهر، ڕێکخراوی چاوەدێری مافی مرۆڤی سووریا جێگیر لە لەندەن، لە درێژەی چوونی کاروانە سەربازییەکانی هێزەکانی هاوپەیمانان بۆ ناوچە ژێر کۆنترۆڵەکانی کوردی سووریا لە باکووری ڕۆژهەڵاتی سووریا هەواڵی دا.
بە گوێرەی ئەم ڕاپۆرتە، کاروانی سەربازی هێزەکانی هاوپەیمانی دژی داعش بریتی لە 30 بارهەڵگر، جیهازاتی لۆجستیک و سووتەمەنیی بۆ بنکەکانی ئەو هاوپەیمانییە لە باکووری ڕۆژهەڵاتی سووریا گواستووەتەوە.
کاروانی سەربازی هاوپەیمانان لە ڕێگای دەروازەی سنووری نێوان هەرێم و کوردستانی سووریا چوونەتە ئەو ناوچە. دوو دەروازەی سێمالکا و ئەلوەلید تەنیا ڕێگا پێوەندییە زەوینییەکانی نێوان ناوچەی ژێر کۆنترۆڵی کوردەکانی سووریا و جیهانی دەرەوەیە.
هاوپەیمانی دژە داعش هەروەها پێش لە ساڵی نوێی زایینی لە ماوەی دوو هەفتەدا زیاتر لە 150 بارهەڵگر جیهازاتی سەربازی و سووتەمەنی بۆ بنکەکانی هاوپەیمانی لە باکووری ڕۆژهەڵاتی سووریا کە لە ژێر کۆنترۆڵی ئەمریکایە، گواستبووەوە.
Your Comment