جێگری ئەبوبەکر بەغدادی دەستگیر کرا

نوسینگەی مستەفا کازمی، سەرۆک وەزیرانی عێراق بڵاویکردوە، هێزە ئەمنییەکان جێگری ئەبوبەکر بەغدادی، خەلیفەی کوژراوی رێکخراوی داعشیان لەئۆپراسیۆنێکی دەرەوەی سنوردا دەستگیرکردوە.

بە پێی ڕاپۆرتی ئاژانسی هەواڵی مێهر، نوسینگەی سەرۆک وەزیرانی عێراق لەراگەیەنراوێکدا ئاماژەی بەوەشكردوە، هێزە ئەمنییەکانی عێراق بەهاوکاری دەزگای هەواڵگری نیشتیمانی و لەئۆپراسیۆنێکی دەرەوەی سنوردا، توانیان سامی جاسم محەمەد ناسراو بە (ئەبو ئاسیا) دەستگیربکەن کە داواکراوێکی نێودەوڵەتی بوە و جێگری ئەبوبەکر بەغدادی، خەلیفەی کوژراوی رێکخراوی داعش بوە.

ئەوەش هاتوە، سامی جاسم محەمەد جێگری ئەبوبەکر بەغدادی و بەرپرسی دۆسیەی دارایی و ئەمنی رێکخراوی داعش بوە، هەروەها کەسێكی نزیکە لە عەبدوڵا قوڕەیشی، خەلیفەی ئێستای رێکخراوی داعش.

News Code 39538

نیشانەکان

بۆچوونی ئێوە

You are replying to: .
  • 7 + 7 =