وەزارەتی دەرەوە بە بەرجامەوە گرێ نادەین

وەزیری پێشنیار کراو بۆ وەزارەتی دەرەوە وتی: ئێمە هەرگیز لە کورسی دانوستان خۆ ناشارینەوە بەڵام وەزارەتی دەرەوە بە بەرجامەوە گرێ نادەین.

بە پێێ هەواڵی مێهر، حسێن ئەمیرعەبدوڵاهیان بۆ بەرگری لە بەرنامەکانی خۆی وەکوو وەزیری پێشنیار کراوی سەرۆک کۆمار بۆ وەزارەتی دەرەوە لە مەجلیسدا وتی: لە هێڵی سەرەکی سیاسەتی دەرەوە، گرینگی دەدەینە سێ بنەمای سەربەرزی، حیکمەت و مەسڵەحەت لە چوارچێوەی سیاسەتی دەرەوەی ڕوون و ئاشکرا.
ئەو وتیشی: کاتێ کە باسی سیاسەتی دەرەوەی هاوسەنگ دەکەین، واتا سیاسەتی دەرەوەی ئێمە لە یەک ناوچە و یەک بواردا ڕاناوەستێت بەلكوو لە هەموو ناوچەکان و بوارەکانی جیهان، چەند ولات وەکوو یەکەمەکانی سیاسەتی دەرەوە دیاری دەکەین و بە پێی بەرنامە بۆ سیاسەتەکانی خۆمان هەوڵ ئەدەین بەڵام سیاسەتی دراوسێ تەوەر و ئاسیا تەوەر بۆ ئێمە سیاسەتێکی بنەڕەتییە.
وەزیری پێشنیار کراو بۆ وەزارەتی دەرەوە وتیشی: پتەو کردنی هاوکاری لە گەڵ وڵاتە ئیسلامییەکان لە بابەتە گرینگەکانی سیاسەتی دەرەوەی هاوسەنگە. دیپلۆماسی ئابووری و بازرگانی نێونەتەوەیی نزیکەی 40 لەسەدی بەرنامەکانی سیاسەتی دەرەوەی دەوڵەتی سێزدەهەم پێک دێنێ.
ناوبراو وتیشی: لە وەزارەتخانەکانی ئێمەدا بەرنامەداڕێژی باش هەیە و بەرنامەی باش دیاری دەکەن بەڵام ئێمە پێویستمان بە تیمێک لە گەورەپیاوانەر بۆ ئەوەی ئەو بەرنامانە ببەینە قۆناغی جێبەجێ کردنەوە.
هەروەها ڕایگەیاند: بەداخەوە دەبێ ڕایبگەینم کە لە چوار دەیەی ڕابردوو تەوەری ئابووری حاکم نەبووە. دەوڵەتی پێشوو تا ڕادەیەک ئەم بابەتەی زیندوو کردەوە بەڵام هەموو بەشەکان یارمەتیدەر نەبوون.
ئەمیرعەبدوڵاهیان ڕوونی کردەوە: من بە دەنگی بەرز ڕایدەگەینم ئێمە لە وەزارەتی دەرەوە دانوستان بە ئامێرێکی بەهێزی دیپلۆماسی دەزانین و خۆمان لە کورسی دانوستان ناشارینەوە بەڵام وەزارەتی دەرەوە بە بەرجامەوە گرێ نادەین.

News Code 38786

نیشانەکان

بۆچوونی ئێوە

You are replying to: .
  • 6 + 8 =