بە ڕاپۆرتی ئاژانسی هەواڵی مێهر، مێدیاکانی ئیسرائیل شەوی یەکشەممە سێی گەلاوێژ هەواڵیان دا کە ڕێکخراوی هەواڵگری و ئاسایشی ناوخۆیی ئیسرائیل (شاباک) و پۆلیس و بنکەی لێکۆڵینەوە نێودەوڵەتییەکانی ئەو ڕژێمە فەرمانبەرێکی وەزارەتی دەرەوەی ئیسرایلیان بە گومانی سەفەر بۆ ئێران دەستگیر کردووە و لێپرسینەوەکان لێ کردووە.
لە دەقێکی یەکساندا کە لە سەرجەم مێدیاکانی ئیسرائیل بڵاو بووەتەوە، هاتووە کە ئەو هاووڵاتییە ئیسرائیلیە ماوەیەک لەژێر لێپرسینەوەی هێزەکانی شاباک بووە و دادستێنیش لە ئەو بابەتە ئاگادار بووە.
بە گوێرەی بەیاننامەیەک کە لەلایەن شاباکەوە بڵاو کراوەتەوە، ئەو فەرمانبەرەی وەزارەتی دەرەوە لە سەردەمی خوێندکار بوونیدا و پێش لە ئەوەی کە لە ئەو وەزارەتخانە دابمەزرێت، سەفەری ئێرانی کردبوو.
لە ئەو ڕاپۆرتەدا ئاماژە کراوە کە سەفەرەکە کورت بووە بەڵام کاتەکەی نادیارە و هەروەها ئاشكرا کردنی ناوی ئەو کەسە لە مێدیاکان قەدەغە کراوە.
Your Comment