ژمارەیەک ژن و منداڵی داعشی نیشتەجێی کەمپی هۆل رادەستی بەلژیکا کرا

ئیدارەی خۆسەری کوردستانی سوریا بڵاویکردەوە کە ژمارەیەک ژن و منداڵی نیشتەجێی کەمپی هۆل کەبەرەگەز بەلژیکی بون رادەستی شاندی ئەو وڵاتە کراونەتەوە.

بە پێی ڕاپۆرتی ئاژانسی هەواڵی مێهر، ئیدارەی خۆسەری کوردستانی سوریا لەراگەیەنراوێکدا باسی لەوەکردوە، لە كۆبوونەوەكەدا گفتوگۆ لەبارەی چەندین دۆسیە و بابەتی جیاوازەوە كراوە لەوانەش پرۆسەی سیاسی و بڕیاری ئەنجومەنی ئاسایشی نێودەوڵەتی لەبارەی بەكراوەیی هێشتنەوەی دەروازەی سنوریی باب ئەلهەوا بۆ گەیاندنی هاوكارییە مرۆییەكان و بەردەوامبونی توركیا لە بڕینی ئاوی شاری حەسەكە.

هەروەها داوایان لەشاندەکە کردوە رێگەچارەیەكی دیكە بۆ گەیاندنی هاوكارییەكان بۆ خەڵكی کوردستانی سوریا و ناوچەکانی دیکەی ژێر دەسەڵاتی هەسەدە بگرنەبەر.

لای خۆیەوە دی موینك، بەرپرسی دۆسیەی سوریا لە وەزارەتی دەرەوەی بەلژیکا باسی لەوەکردوە، بەلژیكا رۆڵی هێزەكانی سوریای دیموكرات بەرز دەنرخێنێت لە بەرەنگاربونەوەی تیرۆر و دوپاتیكردوەتەوە کە زۆر نیگەرانن لە دۆخی كەمپەكان، بەتایبەتی لەم كاتەدا کە پەتای كۆرۆنا بەشێوەیەكی بەرچاو بڵاوبوەتەوە.

ئاماژەی بەوەشکردوە، كار دەكەن بۆ گەیاندنی خزمەتگوزارییە پزیشكییەكان و ڤاكسینەكان بەزوترین كات بۆ کەمپەکان، هەروەها کار دەکەن بۆ دەستپێکردنی پرۆژەی دورخستنەوەی منداڵان لە "فکری توندڕەوی".

لە كۆتایی سەردانەكەدا، ژمارەیەك ژن و منداڵی كەسوكاری چەكدارانی پێشوی داعشی بە رەچەڵەك بەلژیكی رادەستی شاندە كراون و یاداشتنامەیەكی هاوبەشیش واژۆكراوە.

News Code 38226

نیشانەکان

بۆچوونی ئێوە

You are replying to: .
  • 1 + 1 =