کوردستان دەتوانێ ببێتە جەمسەری بەرهەم هێنان و هەناردە کردن

بەربژێری سێزدەیەین خولی هەڵبژاردنەکانی سەرۆک کۆماری ئێران وتی: پارێزگای کوردستان خاوەن بەستێنی زۆر بۆ چالاکی ئابووری و کشتوکاڵییە کە هەموویان ئەبێ لە بەرنامەکانی دەوڵەتی داهاتوو هەبێت.

بە ڕاپۆرتی ئاژانسی هەواڵی مێهر، ئیبراهیم ڕەئیسی ڕۆژی دووشەممە لە بەرنامەیەکی تەلەڤیزیۆنی تایبەتی هەڵبژاردنەکانی سەرۆک کۆماریی ئێران لە گفتوگۆ لەگەڵ خەڵکی کوردستان لە ئەو خەڵکە وەکوو کەسانێکی فیداکار و دلێر ناوی برد کە بە ڕاستی لە بەرانبەر هێرشبەران، زاڵمان و گرووپە دژە شۆڕشەکان وەستان.

ناوبراو زیادی کرد: ژن و پیاوی کورد ئێوە، سەرەڕای هەبوونی زۆرێک کێشە کە دوژمنانی شۆڕشی دروستیان کرد بۆمان، وەستان و نیشانیان دا کە بەرخۆدان دەکەن و گیان فیدایی.

کوردستان خاوەن بەستێنی گەورەیە

بەربژێری سێزدەیەمین خولی هەڵبژاردنەکانی سەرۆک کۆماری لە درێژەدا لە کوردستان وەکوو هەرێمێک ناوی برد کە خودا بەرەکەتی زۆری تێدا داناوە و زیادی کرد: ئاو، خاکی لەبار و خەڵکی ئازای کوردستان نەک بۆ ئەو پارێزگایە بەڵکوو بۆ هەموو خەڵکی ئێران بەستێنی باشی هەیە.

ئیبراهیم ڕەئیسی زیادی کرد: سەرەڕای هەموو ئە وبەستێنانە ئەمڕۆکە کێشەی زۆر لە پارێزگای کوردستان هەن کە یەکێکیان بژێوی ژیان و سفرەی خەڵکە کە تووشی خەساری جیدی بووەتەوە و کێشەیەکی دیکە پرسی کار و ئیشی گەنجانە بەتایبەتی گەنجانی خوێندەوار کە ئێستا بەستێنی ئیش بۆیان نییە.

ناوبراو بێکاریی هۆکاری زەواج نەکردنی خگەنجانی کوردستانی ڕاگەیاند و وتی: ئەو بابەتە بووەتە هۆی کێشە بۆ هەمووان .

ناوبراو بە جەخت لەسەر ئەوەی کە کوردستان بەستێنی باشی بۆ گەشە هەیە، زیادی کرد: کوردستان خاکی دەیمی زۆری هەیە کە دەتوانرێت تێیدا گەنم بکێڵدرێت و ئەو خاک و زەویانەش لە کوردستان کەم نین.

ڕەئیسی ئاماژەی کردە سەر هەبوونی زیاتر لە ٢ میلیۆن سەر ئاژەڵێک کە لە پارێزگا هەیە و وتی: ئاژەڵداری لە کوردستان پیشەیی نییە و یەکێک لە گرینگترین کارەکان لە کوردستان پیشەیی کردنەوەی ئاژەڵدارییە.

ئاو لە ئێران بەڕێوەبەرایەتی ناکرێت

بەربژێری سێزدەیەمین خولی هەڵبژاردنەکانی سەرۆک کۆماری وتی: ئەگەر بتوانین ئولگووی کشتوکاڵ لە کوردستان بەڕێوەبەرایەتی بکەین و لە ئەو بوارەدا پیشەیی کار بکەین، دەتوانین بەکارهێنانی ئاو بەڕێوە ببەین.

رێگاوبانی کوردستان گونجاو نییە

ناوبراو یەکێکی دیکە لە کێشەکانی کوردستانی هەبوونی ڕێگاوبانی لاواز و نەگونجاو وەسف کرد و جەختی کرد: ئەبێ ڕێگاوبان و جادەکانی کوردستان بەهێز بکرێنەوە چونکوو هەندێک لە جادەکان بوونەتە هۆی دڵەڕاوکێی خەڵک.

ڕەئیسی ئاماژەی کردە سەر پیشەی گەشتیاری لە کوردستان و وتی: کوردستان خاوەن بەستێنی بەرچاو بۆ پیشەی گەشتایرییە بەڵام لە ئەو بوارەدا کاری کەم کراوە کە ئەبێ بە یارمەتی خەڵ، گەنجان و بەرپرسان ئابووری گەشتیاری چالاک بکرێتەوە.

News Code 37769

نیشانەکان

بۆچوونی ئێوە

You are replying to: .
  • 7 + 7 =