بە ڕاپۆرتی ئاژانسی هەواڵی مێهر لە سپۆتنیک، سولیەمان سۆیلۆ وەزیری ناوخۆی تورکیا ڕایگەیاند کە پۆلیسی ئەو وڵاتە ئامێرێکی تەقەمەنیی لە وێستگەیەکی پاس لە شاری ئەستەنبۆڵ دۆزیوەتەوە و پۆچەڵی کردۆتەوە.
ئەو بەرپرسەی دەوڵەتی تورکیا لە درێژەدا پاگەندەی کرد کە پەکەکە بەرپرسی ئەو بۆمبدانەرییەیە.
سۆیلۆ شەوی چوارشەممە لە گفتوگۆ لەگەڵ کەناڵی ڕادیۆ و تەلەڤیزیۆنی (NTV) وتی: ئەمڕۆ پۆلیسی ئەستەنبۆڵ هێرشێکی گەورەی تیرۆریستیی پووچەڵ کردەوە. لە ئەنجامی وشیاری پۆلسیی ئێمە، بۆمبێکی 5 کیلۆگرامی کە لە ئۆتۆمبیلێکدا دانرابوو، لە وێستگەیەکی پاس دۆزرایەوە. دوو کەس کە ئەو بۆمبەیان دانابوو، دەستگیر و زیندانی کراون.
وزیری ناوخۆی تورکیا لە درێژەدا زیادی کرد کە دوو کەسە دەستگیر کراوەکە ئەندامی پەکەکەن.
شیاوی باسە کە پێکدادانی نێوان دەوڵەتی تورکیا و ئەو گرووپە کە لە سەرەتاکانی دەیەی 1980 ی زایینی دەستی پێکرد و پاشان لە ساڵی 2013 بە ڕێککەوتنێکی ئاگربڕ لە نێونا ئەنقەرە و پەکەکە کۆتایی هاتبوو، دوو ساڵ دواتر و دوای چەند هێرشی تیرۆریستی کە درایە پاڵ پەکەک، دووبارە دەستی پێکردەوە.
بۆچوونی ئێوە