پیتاندن درێژەی هەیە/ ڕووداوی نەتەنز خراپەکاری بوو

سەرۆکی ڕێکخراوەی وزەی ئەتۆمی وتی: ڕەوتی پیتاندن لە نەتەنز درێژەی هەیە و کاروانی ناڤۆکی ئێران وەستانی نییە.

بە پێی هەواڵی مێهر، عەلی ئەکبەر ساڵحی ئەمڕۆ بە هەواڵنێرانی وت: دوژمن دەیەوێ خەڵکی ئێمە نائۆمێد کات بەڵام سەرناکەوێ. ئەوان وتوویانە بۆ ماوەی 9 مانگ چالاکییەکانی نەتەنزمان وەدوا خستووە بەڵام لە ڕۆژانی داهاتوودا بەشێکی بەرچاوی ئەو خەسارانەی دوژمنان لە نەتەنز پێکی هێناوە، قەرەبوو دەکرێتەوە.

ئەو وتیشی: ئێمە بە هەموو توانامانەوە دەڕۆینە پێشەوە و باشترین کار ئەوەیە بە دوژمنانی بسەلمێنین کە مل کەچ ناکەین و ئەمەش لە کردەوەکانماندا نیشان ئەدەین.

ساڵحی داکۆکی کرد: پیشەی ناڤۆکی وڵاتەکەمان بە هیچ شێوەیەک ڕاناگیردرێت و بە هەموو توانای خۆمانەوە بەرەو داهاتوو هەنگاو هەڵدەگرین و هەر ئێستاش پیتاندن لە نەتەنز بەشێوەیەکی بەهێز دەڕواتە پێشەوە.

ناوبراو ڕوونی کردەوە: هەر شتێک ڕوو بدات، ئێمە چەن ئەوەندە قەرەبوو دەکەینەوە بۆ ئەوەی دوژمن بزانێت ڕێگای ئیمە ڕێگای زانست و هەوڵ و شەرەفە و ڕێگای ئەوان دوژمنی و نەیارییە.

ئەو وێڕای ئاماژە بەوەی کە ئەو سانتریفیوژانەی تووشی خەسار بوون، لە جۆری "ئای ئار وان"ن، وتی: ئێمە ئەو سانتریفیوژانەی تووشی خەسار بوون لە گەڵ جۆری باشتر دەگۆڕینەوە.

 

News Code 36792

نیشانەکان

بۆچوونی ئێوە

You are replying to: .
  • 2 + 1 =