حەسەن رۆحانی: جیهان قەرزداری گەلی ئێرانە

سەرۆک کۆماری ئێران لە ڕێوڕەسمی ساڵوەگەڕی سەرکەوتنی شۆڕشی ئیسلامی لە رێگای ڤیدیۆ کۆنفڕانسەوە بۆ ئێران لێدوانی دا.

بە ڕاپۆرتی ئاژانسی هەواڵی مێهر، حەسەن ڕۆحانی سەرۆک کۆماری ئێران سەرلەبەیانی ئەمڕۆ چوارشەممە لە ڕێوڕەسمی ساڵڕۆژی بەرزڕاگرتنی شۆطشی ئیسلامی کە بە شێوەی ئۆنلاین بەڕێوە چوو، وتی: هەموو خەڵکی جیهان لە ئەم ڕۆژانە قەرزداری گەلی ئێرانن. گەلی گەورەی ئێران ئەگەر لە بەرانبەر ئەو ستەمکارەی کۆشکی نەوەستابوو و ئەگەر خۆڕاگریی شکاندبوو و دوای چوونە دەرەوەی ترامپ لە ڕێککەوتنی ناڤۆکی، ئێمەش لە ئەو ڕێککەوتنە چووباینە دەرەوە، سەرکەوتنی بێ زەحمەت و تێچوو بۆ ترامپ دەبوو.

ناوبراو وتی: ئەگەر دەستبەجێ لە ڕێککەوتنەکە چووباینە دەرەوە هەموو گەمارۆکان گەڕابووەوە و پیلانی گەرەی ئیسرائیل و ئەمریکا بەدی دەهات بەڵام بەرخۆدان و خۆڕاگری خەڵک بووە هۆی ئەوەی کە ئاغەی ترامپ لەناو بچێت.

ڕۆحانی ڕاشیگەیاند: ترامپ یەک جار لە ئەنجومەنی ئاسایش و لە ساڵی 97 و چەند جاریش لە ساڵی 99 شکستی هێنا و شکست و گۆشەگیری ئەمریکا لە نەتەوەیەکگرتووەکان لە بەانبەر ئێران لە مێژووی ئەمریکا و جیهان بێ وێنە بوو.

ناوبراو جەختی کرد: ئەوەی کە ترامپی لەناو برد، خودا بوو و ئەوەی کە بە ڕواڵەت ترامپی لەناو برد، گەلی ئەمریکا بوو بەڵام ڕۆڵی گەل و دەوڵەتی ئێران بۆ لەناوبردنی ئەو ستەمکارە بێ گومان کاریگەر بوو و ئەمڕۆ جیهان بە بۆنەی ئەو ئاسایش و سەقامگیرییە قەرزداری گەلی گەورەی ئێرانە.

News Code 35970

نیشانەکان

بۆچوونی ئێوە

You are replying to: .
  • captcha