بە ڕاپۆرتی ئاژانسی هەواڵی مێهر، سەرۆکی ئیدارەی ڕێگاوبان و گواستنەوەی جادەیی سەقز بە وتنی ئەوەی کە بارینی بەفری قورس بووەتە هۆی داخرانی ملەی مەحموودئاوا، وتی: لە ئەم دۆخەدا هاتوچۆی بارهەڵگری گواستنەوەی مادەی کانزاییەکانیش لەگەڵ کێشە بەرەوڕوو بووەتەوە.
مەحموود ڕۆحانی زادە وتیشی: بارینی ئاوەها بەفرێکی قورس دوور لە چاوەڕوانی بوو و ئێستاش پێنج گرووپی ڕێگاوبان لە سەر ڕێگا سەرەکییەکانی شارەکانی سەقز، دیواندەرە، بانە، بۆکان، مەریوان و تکاب خەریکی پاک کردنەوەی جادەکانن.
ڕۆحانی زادە بە ئاماژە بە ئەوەی کە بارینی بەفر لە هەندێک ناوچەکان گەییشتووەتە ٨٠ سانتی مەتر، زیادی کرد: بە ئەو بارینگەلەوە لە ڕێگاکانی سەقز-دیواندەرە و سەقز-بانە هاتوچۆ تووشی کێشە بووە و ئێستا لە ئەو دوو ڕێگایە هاتوچۆ زۆر ئەستەمە.
ناوبراو وتیشی: ئەگەر بارینەکان بەم شێوەیە درێژەیان هەبێت ڕێگاکانی سەقز-دیواندەرە و سەقز-بانە بە ئەگەری زۆرەوە دادەخرێن و داوا لە خەڵک دەکەین لە هاتوچۆوە نازەروورەکان خۆیان بپارێزن.
بۆچوونی ئێوە