ئەمریکا بۆچی سوورە لە سەر درێژ کردنەوەی گەمارۆی چەک لەسەر ئێران

وتەبێژی پێشووی وەزارەتی دەرەوە وتی: هەوڵی ئەمریکا بۆ درێژ کردنەوەی گەمارۆی چەک لەسەر ئێران، لایەنی دەروونی و پڕوپاگەندایی هەیە.

بە ڕاپۆرتی ئاژانسی هەواڵی مێهر، ڕامین مهمانپەرەست باڵوێزی پێشووی ئێران لە لەهستان سەبارەت بە هەوڵی ئەمریکا بۆ درێژ کردنەوەی گەمارۆی چەک لەسەر ئێران کە بە پێی بڕیارنامەی ٢٢٣١ ی ئەنجومەنی ئاسایش بڕیارە لە مانگی ڕەزبەر کۆتایی بێت، وتی: ئەوەی کە لە سەر هەڵسوکەوتی ئەمریکا سەبارەت بە هەوڵ بۆ درێژ کردنەوەی گەمارۆی چەک دژی ئێران دیارە، ئەو بابەتەیە کە ئەمریکییەکان زیاتر بە دوای بەکارهێنانی کەشی پڕوپاگەندایی و شەڕی دەروونین.

ناوبراو زیادی کرد: ئەمریکییەکان تێدەکۆشن تا بە شەڕی دەروونی و یاری پڕوپاگەندایی لەسەر پرسی گەمارۆی چەک لەسەر ئێران و ڕێککەوتنی ناڤۆکی، لەسەر هەڵبژاردنی سەرۆک کۆماری ٢٠٢٠ کاریگەری دابنێت. و بەم شێوەیە دواکەوتووی هەڵبژاردنەکانی خۆیان قەرەبوو بکەنەوە.

مهمانپەرەست زیادی کرد: ئاماری ڕاپرسییەکان لە ئەمریکا نیشانی دەدات کە دۆناڵد ترامپ لە بەرانبەر ڕکابەرەکەی خۆیدواکەوتووە، سەرۆک کۆماری ئەمریکا و دەوروبەرەکانی هەوک دەدەن بە هێنانە ئارای دۆسیەی ناڤۆکی ئێران و پرسی گەمارۆی چەک لەسەر ئێران، دۆخی سیاسی خۆیان ل سەروبەندی هەڵباژردنی ٢٠٢٠ باشتر بکەن.

ناوبراو وتیشی: وادیارە پێشنیاری نوێی ئەمریکا هیچ گۆڕانکاریەک لە پێشنیاری پێشوو کە شکستی هێنا، نەبێت. هەوڵی ئەمڕۆی ئەمریکاش بۆ درێژ کردنەوەی گەمارۆی چەک لەسەر ئێران، لایەنی دەروونی و پڕوپاگەندایی هەیە و هیچ ئەنجامێکی جگە لە شکست بۆ ئەو وڵاتە نابێت.

News Code 33644

نیشانەکان

بۆچوونی ئێوە

You are replying to: .
  • 1 + 2 =