بەیاننامەی نووسینگەی ئایەتوڵڵا سیستانی سەبارەت بە تەقینەوەکەی بەیرووت

مەرجەعیەتی باڵای دینی لە نەجەفی ئەشرەف بە دەرکردنی بەیاننامەیەک هاوخەمی و پەژارەی خۆی لە ڕووداوی دڵتەزێنی تەقینەوەی بەیرووت دەربڕی.

بە ڕاپۆرتی ئاژانسی هەواڵی مێهر لە بەغدا یەوم، مەرجەعیەتی باڵای دینی لە نەجەفی ئەشرەف سەبارەت بە تەقینەوەی بەیرووت بەیاننامەیەکی دەرکرد.

لە دەقی بەیاننامەکە هاتووە: مەرجەعیەتی باڵای ئایینی لە نەجەفی ئەشرەف داخ و کەسەری خۆی لە ڕووداوی دڵتەزێنی شاری بەیرووت پاش تەقینەوەی گەورە لە ئەو بەندەرە کە بووە هۆی کوژران و ون بوون و بریندار بوونی ژمارەیەکی زۆر لە خەڵک و بێ ماڵ و حاڵ بوونی دەیان هەزار کەس و کاول بوونی بەشێکی زۆر لە شارەکە، دەردەبڕێت.

لە درێژەی بەیاننامەکە هاتووە: بەو بۆنەوە هاوخەمی خۆمان ئاراستەی خەڵکی بەشەرەفی لوبنان دەکەین و داوای دڵنوایی ئەو خەڵکە لە خودای گەورە دەکەین و داوا لە هەموو خێرخوازەکانی دەکەین کە بە هەر شێوەیەک کە دەتوانن یارمەتیدەری خەڵکی لێقەوماوی لوبنان بن.

News Code 33593

نیشانەکان

بۆچوونی ئێوە

You are replying to: .
  • 1 + 12 =