بە پێی ڕاپۆرتی ئاژانسی هەواڵی مێهر، فەرماندەیی پۆلیسی پارێزگای کرماشان رایگەیاند: ژنێکی تەمەن 31 ساڵە لە جوانرۆ، منداڵێکی پێنج ساڵانی هاوژینەکەی کوشتووە و ئێستا لە لایەن پۆلیسەوە دەستبەسەر کراوە.
ئەو ژنە وتوویەتی : سەرەتا هەر خۆی و هاوژینەکەکەی لە ماڵێکدا ژیاون و منداڵی هاوژینەکەی، کە ناوی ژیارە، لەلای باپیر و نەنکی بووە، بەڵام بەودواییانە باوکی ژیاری بردووەتەوە لای خۆی. بۆیە ئەم هەستی کردووە کە چی دیکە مێردەکەی وەکوو جاران خۆشی ناوێت و پیلانی داڕشتووە بیکوژێت.
ئەو ژنە دڵڕەقە وتوویەتی کە منداڵەکەی بردووەتە نێو باخێک و دەستی لەسەر دەمی داناوە تاوەکوو لە هۆش خۆی چووە، دواتر بە چەقۆ دەماری دەستی بڕیوە و دوای چەند کاتژمێرێک لە بەرزاییەکەوە فڕێ داوەتە خوارەوە.
بۆچوونی ئێوە