ڕێکخراوی هاوکاری ئیسلامی هۆشداریی دایە ئیسرائیل

ئەندامانی رێکخراوی هاوکاری ئیسلامی بە دەرکردنی بەیاننامەیەک هۆشداریان دا کە لە ئەگەری داگیر کردنی هەر بەشێک لە فەلەستین، ئیسرائیل بەرپرسی پاشهاتەکانی ئەو کارە ئیستعمارییەیە.

بە ڕاپۆرتی ئاژانسی هەواڵی مێهر لە ماڵپەڕی هەواڵی فەلەستین یەوم، ڕێکخراوی هاوکاری ئیسلامی لە کۆبوونەوەی بەپەلە کە لە ڕێگای ڤیدئۆ کۆنفڕانسەوە بە سەرۆکایەتی عەرەبستان و سەبارەت بە گەڵاڵەی ئیسرائیل بۆ داگیر کردنی کەرتی ڕۆژاوا ڕووباری ئۆردۆن بەڕیوە چوو، سەبارەت بە داگیر کردنی هەر بەشێک لە خاکی فەلەستین هۆشداریی دایە ئیسرائیل و ڕایگەیاند کە ڕژێمی زایۆنی بەرپرسی پاشهاتەکانی ئەو کارە ئیستعماریەیە.

لە ئەو بەیاننامەدا جەخت کراوە کە ڕێکخراوی هاوکاری ئیسلامی هەوڵی سیاسی و مافی پێویست بۆ ڕووبەڕوو بوونەوەی هەڕەشەکانی ئیرائیل ئەنجام دەدات.

ئەو بەیاننامە هەروەها بە مەترسییەکانی پاش ئەو هەوڵەی ئیسرائیل و کاریگەریی لەسەر ئاسایش و سەقامگیری ناوچەکە و ناوچەکانی تر جیهان هۆشداریی دا و داوای لە کۆمەلگای جیهانی کرد تا هەموو ڕێکارە سیاسی و مافییەکان بۆ ناچار کردنی ئیسرائیل بە وەڵام و سزادانی بە بۆنەی پێشێل کردنی بەردەوامی بڕیارنامەکان، بگرنە بەر.

News Code 32769

نیشانەکان

بۆچوونی ئێوە

You are replying to: .
  • captcha