بە ڕاپۆرتی ئاژانسی هەواڵی مێهر، دوکتۆر فەرزین ڕەزاعی ئەوڕۆ (هەینی) بە ئاماژە بەوەی کە تا ئێستا ٧٧١ نمونەی تاقیکاری لە کەسانی گەمان لێکراو بە تووشبوون بە ڤایرۆسی کۆرۆنا هەڵگیراوە، ڕایگەیاند: لەو ڕێژەیە ٣٤٨ کەسیان تووشبوونیان پشت‌ڕاست کراوەتەوە و وەڵامی ٤٠٦ کەسیان نەرێنی بووە و وەڵامی ١٧ کەسیشیان هێشتا هێشتا یەکلا نەبۆتەوە.
ڕاشیگەیاند: لە ٣٤٨ کەسی تووشبوو ١٢٢ کەسیان لە سەقز، ٧١ کەس لە بانە، ٧٤ کەس لە سنە، ١١ کەس لە کامیاران، ٢٥ کەس لە قوروە، ٨ کەس لە مەریوان، ١٣ کەس لە دیواندەرە، ١٨ کەس لە بیجار، ٤ کەس لە دێولان و ٢ کەس لە سەوڵاوا تۆمار کراوە.
ڕەزاعی بە ئاماژە بە گیان لە دەستدانی ٤٣ کەس لە پارێزگای کوردستان بە هۆی نەخۆشی کۆرۆنا، ڕوونی کردەوە: لەو ڕێژەیە ١٨ کەس لە سەقز، ٣ کەس لە سنە، ٧ کەس لە قوروە، ٨ کەس لە بانە، مەریوان و بیجار و کامیاران هەرکام دوو کەس و یەک کەسیش لە دیواندەرە گیانیان لە دەست داوە.
سەرۆکی زانکۆی زانستە پزیشکییەکانی کوردستان ئاماژەی بەوەش دا: تا ئێستا ١٠٣ کەس لە تووشبووانی کۆرۆنای کوردستان چابوونەتەوە.
Your Comment