دۆزینەوەی دەرمانی کۆرۆنا لە ئێران وەدرۆ خرایەوە

ڕێکخراوی خۆراک و دەرمان و جێگری زانستی و تەکنۆلۆژیای سەرۆک کۆمار، لە ڕاگەیێندراوێکدا دەنگۆکان لە تۆڕە کۆمەڵایەتییەکان بۆ دۆزینەوەی دەرمانی کۆرۆنای بە توندی وەدرۆ خستەوە.

بە ڕاپۆرتی ئاژانسی هەواڵی مێهر، لە ئەو ڕاگەیێندراوەدا هاتووە: بە تەشەنەی نەخۆشی کۆرۆنا لە وڵات، فێڵبازەکان لە هیچ هەوڵێک بۆ خەسار دان لە گیان و سامانی خەڵک خۆیان نەبواردووە. پاش شاردنەوەی دەمامەک و مادەی پاک کردنەوە، ئەم جارە بەرژەوەند خوازەکان لە ڕێگایەکی ترەوە هاتوون و سەرەی ناساندنی دەرمانی ساختە  بۆ نەخۆشی کۆرۆنایە.

لە ئەو ڕاگەیێندراوەدا جەخت کراوە: بەم شێوەیە جێگرایەتی زانستی و تەکنۆلۆژیای سەرۆک کۆمار بە هەماهەنگی ڕێکخراوی خۆراک و دەرمان، دۆزینەوەی هەر جۆرە دەرمانێک دژی کۆرۆنا تا بە ئەم کاتە بە توندی ڕەت دەکاتەوە و پاش بەڕێوە بردنی کۆبوونەوەی زۆری کارناسی، دەنگۆوە بڵاو بووەکان لە تۆڕە کۆمەڵایەتییەکان لە ژێر ناوی سپرەی و دەرمانی گیایی و هەر جۆرە دەنگۆیەکی تر سەبارەت بە دەرزی دژە کۆرۆنا درۆ و بەس بە بەرژەوەند خوازی فێڵبازەکان دەزانێت.

ئەوەش راگەیێندرا کە هەوڵ بۆ سزادانی شوێنە پێوەندیدارەکان دەدرێت و داوا لە خەڵکیش دەکرێت کە هەواڵەکان بەس لە لایەنە پێوەندیدارەکان شوێنگیری بکەن.

News Code 31348

نیشانەکان

بۆچوونی ئێوە

You are replying to: .
  • 5 + 8 =