بە ڕاپۆرتی ئاژانسی هەواڵی مێهر، بەهرام چارەخا وتیشی: نەخشەگەلی تەرازی مامناوەندی هەوا نیشاندەری درێژەی چالاکی و پاڵەپەستۆی داکردنی تا رۆژی سێ شەممەی ئەم حەوتەیە.
ناوبراو ئاماژەی بەوەش دا: لە شەوی ڕابردووەوە (شەممە) تا ئەوڕۆ شایەدی چالاکی سیستەمی داکردن بە شێوەی بەفر و باران و هەڵکردنی با لە شارەکانی پارێزگا لە گەڵ دەرکەوتنی مژ و کەمبوونەوەی ئاسۆی بینین دەبین و لەمناوە بەرزاییەکان و ملەکان بەرەوڕووی کڕێوە و تۆف و بەندن.
سەرۆکی ئیدارەی پێشبینی کەشوهەواناسی کوردستان بیری هێنایەوە: لەوڕۆ بەدوا چالاکیی ئەو پاڵەپەستۆیە کەم دەبێتەوە، بەڵام داکردنی بەفر و کڕێوە کەم و زۆر تا سێ شەممە درێژەی دەبێت و تا کۆتایی ئەم حەوتەیە مامناوەندی گەرمای هەوا ١٠ تا ٢٠ پلەی سانتی گراد دادەبەزێت.
چارەخوا جەختی لەوەش کرد: بە هۆی هەڵکردنی بای توند، کڕێوە و دابەزینی ئاستی گەرما ئەگەری ڕنووی بەفر لە داوێنە بەفرگرەکانی کوردستان و گرفت لە هاتوچۆی جادەیی پارێز هەیە، هەر بۆیە جیهازتی زستانی و گرتنەبەری ڕێوشوێنی پێویست لە رۆژانی داهاتوو پێویستە.
بۆچوونی ئێوە