٥٣ بەرکەوتووی کیمیایی هەرێمی کوردستان ڕەوانەی ئێران دەکرێن

سەرۆکی کۆمەڵەی قوربانیانی ھەڵەبجە بە ئاماژە بە ڕەوانەکرانی ٥٣ بەرکەوتووی کیمیایی هەرێمی کوردستان بە مەبەستی چارەسەری بۆ ئێران لە رۆژی هەینی داهاتوو، ڕایگەیاند: حکوومەتی هەرێم ھەموو خەرجی چارەسەرکردنی بۆ دابین کردوون.

بە ڕاپۆرتی ئاژانسی هەواڵی مێهر، لوقمان عەبدولقادر سەرۆکی کۆمەڵەی قوربانیانی کیمیابارانی ھەڵەبجە لە وتووێژ لە گەڵ ماڵپەڕی فەرمیی پارتی دیموکراتی کوردستان، ڕایگەیاند: ڕۆژی ھەینیی داھاتوو (١١ی رێبەندان/ ٣١ی ژانڤیە) ٥٣ بەرکەوتەی چەکی کیمیایی بە مەبەستی چارەسەرکردن لە ھەرێمی کوردستانەوە ڕەوانەی کۆماری ئیسلامیی ئێران دەکرێن و حکوومەتی ھەرێمی کوردستان ھەموو تێچووی چارەسەرکردنیان لە ئەستۆ دەگرێت.

سەرۆکی کۆمەڵەی قوربانیانی کیمیابارانی ھەڵەبجە ڕاشیگەیاند: بڕیار بوو پێشتر ئەو بەرکەوتانە بۆ چارەسەرکردن ڕەوانەی دەرەوە بکرێن، بەڵام بە ھۆی ھەندێک ڕۆتینی کارگێڕییەوە دوا کەوتووە و ڕۆژی ھەینی بریندارەکان ڕەوانەی ئێران دەکرێن.

لوقمان عەبدولقادر وتیشی: ژمارەیەکی دیکەی بەرکەوتەی چەکی کیمیایی ماون، پێویستیان بە چارەسەری لە دەرەوەی کوردستانە و پێشتریش ژمارەیەکی دیکەی بەرکەوتووان لەسەر ئەرکی حکوومەتی ھەرێم بۆ چارەسەرکردن ڕەوانەی دەرەوە کراون.

News Code 30736

نیشانەکان

بۆچوونی ئێوە

You are replying to: .
  • 5 + 3 =