پیشانگای خۆشنووسی "خەت و خاڵ" لە سنە کرایەوە

پیشانگای خۆشنووسی محەمەد سدێق غوڵامی لە ژێر ناوی "خەت و خاڵ" بە هاوکاری شارەداری و شۆڕای ئیسلامی شاری سنە لە گەلەری هونەر (نیگارخانەی ئیرشاد)ی ئەو شارە کرایەوە.

بە ڕاپۆرتی ئاژانسی هەواڵی مێهر، ڕێوڕەسمی کرانەوەی پیشانگای "خەت و خاڵ" رۆژی ڕابردوو (شەممە ٢٨ی بەفرانبار) بە بەشداریی فەرماندار، شارەدار و سەرۆکی شۆڕای شاری سنە و سەرپەرەشتیی گشتیی ئیدارەی فەرهەنگ و ئیرشادی پارێزگای کوردستان و تاقمێکی زۆر لە هونەرمەندان و هونەردۆستان لە گەلەری هونەر (نیگارخانەی ئیرشاد)ی شاری سنە بەڕێوەچوو.

لەو پیشانگایە ٤٠ تابڵۆی هونەری خۆشنووسی نەستەعلیقی شکاوەی محەمەد سدێق غوڵامی ئاراستە کراوە، کە بڕیارە بۆ ماوەی ٦ رۆژی کاری واتە تا رۆژی پێنج شەممە ٣ی رێبەندان بەردەوام بێت.

محەمەد سدێق غوڵامی هونەرمەند و مامۆستای ناسراوەی هونەری خۆشنووسی و کارمەندی شارەوانی شاری سنە، بۆ زیاتر لە ٤ دەیەیە لەم بواری هونەری خۆشنووسی هەوڵ دەدا و ٣٠ ساڵە لە ئەنجومەنی خۆشنووسی لقی سنە مامۆستایە.

News Code 30591

نیشانەکان

بۆچوونی ئێوە

You are replying to: .
  • 4 + 11 =