تەرمی پیاوێکی ٣٤ ساڵە لە بەندوای گاڕانی مەریوان دۆزرایەوە

پیاوێک کە لە رێکەوتی ٥ ی سەرماوەزی ئەمساڵ لە ماڵ چووەتە دەرەوە و چی دیکە نەگەڕابووەوە، تەرمەکەی لە بەنداوی گاڕانی مەریوان دۆزرایەوە.

بە ڕاپۆرتی ئاژانسی هەواڵی مێهر، پێنجەمی سەرماوەزی ئەمساڵ ئەندامانی بنەماڵەیەکی مەریوانی چوونە لای پۆلیس و لە ون بوونی کوڕەکەیان هەواڵیان دا و دەست بەجێ لێکۆڵینەوەی پۆلیس لەو بارەوە دەستی پێکرد.

هاوکات لە گەڵ درێژەی لێکۆڵینەوەکان بۆ دۆزینەوەی ئەو گەنجە، ڕۆژی یەکشەممە ٢٤ ی سەرماوەز تەرمەکەی لە بەنداوی گاران دۆزرایەوە.

دوابەدوای دۆزرانەوەی تەرمی (ئەلف.ر)، دەنگۆگەلێک لە ئەو بارەوە و لە سەر شێوەی مەرگی ئەو گەنجە لە شوێنە گشتییەکان و تۆڕە کۆمەڵایەتییەکان بڵاو بووەوە.

 فەرماندەیی ئینتزامی مەریوان بە دەرکردنی ڕاگەیێندراوێک وردەکاری ئەو ڕووداوەی بڵاو کردەوە و دۆنگۆ و باسە پەراوێزییەکان کە لە تۆڕە کۆمەڵایەتییەکان هاتووەتە ئاراوە، ڕەت کردەوە.

News Code 29884

نیشانەکان

بۆچوونی ئێوە

You are replying to: .
  • 9 + 6 =