دەتوانین لە گەڵ تاراندا ڕێککەوین

نوێنەری تایبەتی وەزارەتی دەرەوەی ئەمریکا لە کاروباری ئێران ڕایگەیاند: ئاڵوگۆڕیی زیندانییەکان لە گەڵ ئێران دەسەلمێنێت کە دەتوانین پێکەوە ڕێککەوین.

بە ڕاپۆرتی ئاژانسی هەواڵی مێهر، برایان هۆک نوێنەری تایبەتی وەزارەتی دەرەوەی ئەمریکا لە کاروباری ئێران لە وتووێژ لە گەڵ "NPR" سەبارەت بە ئاڵوگۆڕیی زیندانییەکانی لە نێوان ئێران و ئەمریکا، وتی: من لە زۆریخدا لە گەڵ ژیائۆ وانگ لە چوارچێوەی ئاڵوگۆڕیی زیندانییەکان دیدارم کرد و بەرپرسانی سویسرا کە هاوپەیمانای باش و گرینگی ئێمەن زۆر بە باشی توانیان ئەو ئاڵوگۆڕیی بە ئەنجام بگەیێنن.

هۆک لە درێژەدا بە بێ ئاماژە بە پیلانە گوماناوییەکانی ئەو وڵاتە لە هێلانەی سیخۆریی دژی تاران، وتیشی: ئێمە بۆ ٤٠ ساڵ دەچێت پەیوەندی دیپلۆماتیکمان لە گەڵ ئێراندا نییە و سویسرا وەک پارێزەر بەرژەوەندییەکانمان لە ئێران ناسراوە.

نوێنەری تایبەتی وەزارەتی دەرەوەی ئەمریکا لە کاروباری ئێران هەروەها ڕایگەیاند: ئەو ئاڵوگۆڕییە دەسەلمێنێت کە دەتوانین پێکەوە ڕێککەوین. گفتوگۆکان و هەروەها کاروباری پاڵپشتی لەو بوارەدا زۆر چاک پێش چوو. هەر بۆیە هیوادارین کە ئەو ئاڵوگۆڕیی زیندانییەکان نیشاندەری یەکەمین هەنگاوەکان بۆ دانوستانی نێوان ویلایەتە یەکگرتووەکان و ئێرانە.

برایان هۆک لە کۆتاییدا ئیدعای کرد: دەمەوێ خوازیاری گفتوگۆی کۆنسولی لە گەڵ ئێرانییەکان بم، بەڵکوو لەو رێگەوە بتوانین ئەمریکییەکانی دیکەش لە ئێران بهێنیننە دەرێ؛ هەڵبەت ئەو بابەتە دەرەوەستی بە ئێرانەوەیە؛ بەڵام ئێمە ئامادەییمان هەیە و هیوادارین.

News Code 29811

نیشانەکان

بۆچوونی ئێوە

You are replying to: .
  • 2 + 2 =