کۆپاپۆرشکێنی دێنا بەزوویی پەیوەستی هێزی دەریایی ئەرتەشی ئێران دەبێت

فەرماندەی هێزی دەریایی ئەرتەش وتی: کۆپاپۆرشکێنی دێنا لە مانگی رێبەندانەوە پەیوەستی ناوگانی هێزی دەریایی ئەرتەش دەبێت.

بە ڕاپۆرتی ئاژانسی هەواڵی مێهر، ئەمیر دەریادار حسێن خانزادی فەرماندەی هێزی دەریایی ئەرتەش رۆژی رابردوو (چوارشەممە) لە پرێس کۆنفڕانسێک لە ئەرکانی فەرماندەیی نداجا سەبارەت بە ئۆپەراسیۆن و ڕاسپاردە جۆراوجۆرەکانی هێزی دەریایی ئەرتەش لە دەریاگەلی ئازاد و بەرەنگاربوونەوەی دزانی دەریایی، وتی: تا ئێستا ٦٤ ناوگرووپ بۆ پاراستنی بەرژەوەندییەکانی وڵات ڕەوانەی ئاوە ئازادەکان کراوە و بە پێی هەلومەرجی نوێی دەریایی سوور و کەناڵی سوئیز، گەیشتوونەتە ئەو ناوچەیەش و چەندین پاپۆر و نەوت‌هەڵگریان ئێسکۆرت کردووە.

ئەمیر خانزادی لە درێژەدا باسی لە خۆبەڕێوەبەری و بەرهەم هێنانی کۆپاپۆرشکێن، ژێر دەریایی و هەموو جۆرە بەلەمێکی سەرئاوی لە کۆماری ئیسلامی ئێران کرد و ڕایگەیاند: کۆپاپۆر شکێنی دێنا لە مانگی ڕیبەندانەوە پەیوەستی ناوگانی هیزی دەریایی ئەرتەش دەبێت

ناوبراو بە ئاماژە بە گەمارۆی هێزی چەکداری ئێران لە دوای شۆڕشەوە، ڕاشیگەیاند: تا ئێستا سێ کۆپاپۆرشکێن بە ناوەکانی دەماوەند، سەهەند و دێنا لە ناوخۆ بەرهەم هاتوون و لەمناوە کۆپاپۆرشکێنی دەماوەند وەک بەرەی نوێی ئاوگەڕەکانی خاوەن ئاستی ڕاداریی کەم و تیژڕۆ دوا قۆناغەکانی بەرهەم هێنانی تێپەڕاندووە و لە قۆناغی تاقیکاری و دابەستنی جیهازاتە و خراوەتە ئاوەوە و  تا ساڵی داهاتوو وەبەر دەهێنرێت.

وتیشی: کۆپاپۆرشکێنی سەهەندیش بساڵی ڕابردوو پەیوەستی ناوگانی هێزی دەریایی ئەرەتش کراوە و لە ئێستاشدا خەریکی ئامادەبوون بۆ ڕاسپاردەی ئەقیانووسییە.

فەرماندەی هێزی دەریایی ئەرتەش ئاماژەی بەوەش دا: کاری ئامادەکردنی کاسەی کۆپاپۆری "شەپۆلی ٤" کۆتایی پێهاتووە و هیوادارین کۆپاپۆرشکێنی تەفتان ساڵی داهاتوو پەیوەستی هێزی دەریایی بێت. هەروەها کاری بەرهەم هێنانی کۆپاپۆرشکێنێکی قورس لە ژێر ناوی "نگین" لە ساڵی داهاتووەوە دەست پێ دەکات و لە پەنای ئەویشەوە ژێردەریایی قورسی بێعسەت بە جیهازاتێکی تایبەتیی وەک راداری چاوی هەڵۆ کە ڕادارێکی خاوەن فاز و پاوەجێیە بەرهەم دەهێنرێت.

دەریادار خانزادی لە درێژەدا باسی لە دابەستنی سیلۆگەلی ھاویشتنی ئەستوونیی مووشەکی لە سەر کۆپاپۆڕشکێنەکانی ھێزی دەریایی ئەرتەشکرد و وتی: لەم نمونەگەلەدا، تەواوی مووشەکەکان لە سەر عەرشە کۆدەکرێنەوە و بە شێوەی ھاویشتنی ئەستونی لە ناوەوەی عەرەشەدا دادەمەزرێندرێن، ئەم سیستەمە مووشەکییە نێوانبڕە و جیا لە پێکانی سەکۆی ھاوێشترانی مووشەکی ھێرشھێن، دەشتوانێ مووشەکە کرووزەکانی دوژمنیش بکاتە ئامانج.

ناوبراو لە کۆتاییدا ئاماژەی بە مانۆری سێ قۆڵیی ئێران و چین و ڕووسیا لە بازنەی باکووری ئەقیانوسی ھیند کرد و وتیشی: ئەم مانۆڕە لە مانگی ڕابردوودا گەڵاڵە و پلان‌داڕشتن و بەرایی بۆ کراوە و ھێزەکان خەریکی خۆسازدانن بۆ بەرپا کردنی ئەم مانۆڕەن.

News Code 29568

نیشانەکان

بۆچوونی ئێوە

You are replying to: .
  • 3 + 10 =