ئەمریکا هاودەستی ڕژیمی زایۆنییە/  ئاژانس ڕێز لە یاساگەلی ئێمە بگرێت

وتەبێژی وەزارەتی دەرەوە لێدوانەکانی وەزیری دەرەوەی ئەمریکا سەبارەت بە ناکێشەمەندبوونی شارۆچکەسازی لە سەرزەوینی داگیرکراوە لە گەڵ یاساگەلی نێودەوڵەتیی بە توندی ئیدانە کرد.

بە ڕاپۆرتی ئاژانسی هەواڵی مێهر، سەید عەباس مووسەوی وتەبێژی وەزارەتی دەرەوەی ئێران لێدوانەکانی وەزیری دەرەوەی ئەمریکا سەبارەت بە ناکێشەمەندبوونی شارۆچکەسازی لە سەرزەوینی داگیرکراوە لە گەڵ یاساگەلی نێودەوڵەتیی بە توندی ئیدانە کرد و ئەو لێدوانانەی وەک پێداگریی نوێ بۆ هاوبەشیی ئەمریکا لە داگیرکرانی فەلەستین و جەنایەتگەلی ڕژیمی زایۆنی لە ناوچە داگیرکراوەکان و پێشیل کردنی سەرەوەریی وڵاتانی دراوسێی فەلەستین زانی.

مووسەوی بە ئاماژە بەوەی کە هەڵمەت و لێدوانگەلی ئەمریکا سەبارەت بە فەلەستین، پێشێل کردنی ئاشکرای یاساگەلی نێودەوڵەتییە، وتی: کۆمەڵگای نێودەوڵەتی دەبێ هەمبەر بەو هەڵمەتانە دژایەتی و هەڵوێستی توندتر هەبێت.

وتەبێژی وەزارەتی دەرەوە بە ئاماژە بە بەڕێوەچوونی ڕیفراندۆم لە نێوان دانیشتووانی ڕاستەقینەی سەرزەوینی فەلەستین وەک تاقە رێگەی چارەسەریی قەیرانی ئەو وڵاتە، ڕوو لە پەمپێئۆ ڕایگەیاند: واباشە خۆت لە بیرۆکەی سەدەری هەژدەهەمی کە تێیدا دەسەڵاتداران خۆیان سەرتر لە یاسا و ڕیسای نێودەوڵەتی دەزانی دەرباز بکەی و ئاگادار بی کە لە سەدەی بیست و یەکەم نەک ئەمریکا دەسەڵاتی زاڵە و نە چیتر کەس پێشێل کردنی یاساگەلی نێودەوڵەتی قبووڵ دەکات.

ناوبراو لە درێژەدا جەختی لە درێژەی هاوکاریی ئێران لە گەڵ ئاژانسی نێودەوڵەتیی وزەی ئەتۆمی بە پێی یاسا دیاری کراوەکان کرد و وتیشی: بە پێی پلانە داڕێژراوەکان پشکێنەران دەتوانن سەردانی ناوەندەکانی ئێرانی لە کەرتی ناڤۆکی بکەن، بەڵام لەم دواییەدا پشکێنەرێک لە کاتی چوونە ناو یەکێک لە سایتە ناڤۆکییەکان مادەی مەترسیداری پێ بووە و کۆماری ئیسلامی لەوبارەیەوە بەڵگەکانی ئاراستەی ئاژانس کردووە و چاوەروانی وەڵامی ئەوانین.

زیادیشی کرد: بە ئاوردانەوە لە پێشینەی بیانییەکان و کرداریان، هێزە ئەمنییەکانی هەستیارتر بوونە و پاراستنی ناوەندگەلی هەستیار بە مافی خۆمان دەزانین و پێویستە ئاژانس لەوبارەیەوە یاساگەلی ئێمە ڕچاو بکات.

News Code 29452

نیشانەکان

بۆچوونی ئێوە

You are replying to: .
  • 1 + 15 =