دەستگیریی ئاژاوەگێڕان لە خۆپیشاندانەکانی عێراق

فەرماندەی ئۆپەراسیۆنی بەغدا لە دەستگیریی ئاژاوەگێران لە خۆپیشاندانەکانی عێراق هەواڵی دا کە بە وتەی ئەو بە هەڵگرتنی کۆکتێل مۆلۆتۆف هەوڵی بشێویان دەدا.

بە راپۆرتی ئاژانسی هەواڵی مێهر بە گێرانەوە لە "السومریه نیوز"، فەریقی ڕوکن جەلیل ڕەبیعی فەرماندەی ئۆپەراسیۆنی بەغدا لە پرێس کۆنفڕانسێکدا ڕایگەیاند: تاقمێک لە خۆپیشاندەران کە کۆکتێل مۆلۆتۆفیان پێ بووە دەستگیر کراون. هیزەکانی ئەمنی هەوڵ دەدەن نیشانەشکێنێک کە خۆپیشاندەران دەکاتە ئامانج، دەستگیر بکەن، بەڵام ئەو توانیویەتی خۆی هەشار بدا و بۆی دەرباز بێت.

ڕەبیعی جەختی کرد: ئاسایشی بەغدا جێگر بوە و نابێ هیچ ئاژاوەیەک ساز بێت و داوا لە خۆپیشاندەران دەکەین کە دان بە خۆدا بگرن و ناوەندە دەوڵەتییەکان بپارێزن.

شایانی باسە رۆژی رابردوو میدیاگەلی ئەمنی عێراقی لە کوژرانی چوار کەس و لەوان دوو هێزی ئەمنی بە گولەی نیشانەشکێنێکی نەناسراو لە بەغدا هەواڵیان دا.

هاوکات ئەوڕۆ محەمەد حەلبووسی سەرۆکی پەرلەمانی عێراق لە گەڵ تاقمێک لە نوێنەرانی خۆپیشاندەران لە ناوخۆی پەرلەمان دیداری کرد و سەبارەت بە داخوازییە ڕەواکانیان و شێوەکانی وەڵامدانەوەیان بە پێوەری یاسا گفتوگۆیان کرد.

News Code 28713

نیشانەکان

بۆچوونی ئێوە

You are replying to: .
  • 7 + 10 =