داعش لە کەمپی هۆلی حەسەکە خەریکە خۆی ڕێکدەخاتەوە/شەڕڤانان ناتوانن کۆنتڕۆڵیان بکەن

فەرماندەی گشتیی هەسەدە داوای یارمەتی لە کۆمەڵگەی نێودەوڵەتی دەکات بە مەبەستی کۆنتڕۆڵکردنی کەمپی هۆل لە پارێزگای حەسەکە کە زیندانییە داعشییەکانی تێدایە.

بە ڕاپۆرتی ئاژانسی هەواڵی مێهر، مەزڵووم کۆبانێ لە لێدوانێکی ڕۆژنامەوانیدا ڕایگەیاند:  "مەترسییەکی جیدی لە کامپی هۆل هەیە. ئێستا دەتوانین ئەمنییەتی کەمپەکە بپارێزین، بەڵام بەهۆی ئەوەی پێداویستیمان کەمە، داعش لە کەمپەکە سەرقاڵی خۆڕێکخستنەوەیە."

وتیشی:" ئێمە ناتوانین ئەوان ۱۰۰% کۆنتڕۆڵ بکەین و بارودۆخەکە جێگەی مەترسییە".

مەزڵووم کۆبانێ داوای لە وڵاتانی جیهانیش کرد کە چەکدارانی داعشی دەستگیرکراو و منداڵ و هاوژینەکانیان وەربگرنەوە.

نزیکەی ۷۰ هەزار کەس لە کەمپی هۆلدان و زۆربەشیان هاوژین و منداڵانی چەکدارانی داعشن.

ڕووداو لە زمانی مەزڵووم کۆبانێ نووسی: نزیکەی ۳۰ هەزار کەس لەو ۷۰ هەزار کەسە ئەندام و لایەنگری سەرسەختی داعشن و تاوەکوو دوایین چرکەی شەڕیش لە باغۆز لەژێر دەسەڵاتی داعش مانەوە.

News Code 28702

نیشانەکان

بۆچوونی ئێوە

You are replying to: .
  • 1 + 6 =