ڕێوڕەسمی بیرئانینی فەخری خۆشنووسی ئێران بەڕێوە دەچیت

جێگری فەرهەنگی، کۆمەڵایەتی، وەرزشی شارەوانی کرماشان لە بەڕێوەچوونی ڕێورەسمی بیرئانین و نرخاندنی مامۆستا میرزا محەمەد ڕەزا کەلهۆری کرماشانی، فەخری خۆشنووسی ئێران لەو شارە هەواڵی دا.

بە ڕاپۆرتی ئاژانسی هەواڵی مێهر، مەهدی عەبدولمەلەکیوێرای ئاماژە بەوەی کە ئەو ڕێوڕەسمە لە درێژەی پرۆگرامی بەرزڕاگرتنی یادی ناودارانی کرماشانە، وتی: ڕێوڕەسمی بیرئانینی میرزا ڕەزا کەلهۆر بە بەشداریی خۆشنووسانی ناسراوەی وڵات و پارێزگا، کاتژمێری ١٥:٣٠ی دوانیوەڕۆی رۆژی دووشەممە (١٥ی ڕەزبەر) لە پارکی لالەی کرماشان بەڕیوە دەچێت.

عەبدولمەلەکی ئاماژەی بە ناونانی شەقامێکی کرماشان بە ناوی فەخری خۆشنووسی ئێران کرد و وتیشی: سەردیسی میرزا ڕەزا لە لایەن بنەماڵەی خاوەرزادە بەرهەم هاتووە کە لە پەراوێزی ئەو ڕیوڕەسمەدا ڕوونوێنی دەکرێت.

شایانی باسە، ڕێوڕەسمی بیرئانینی میرزا ڕەزا کەلهۆر لە لایەن ڕێکخراوی فەرهەنگی، کۆمەڵایەتی و وەرزشیی کرماشان و بە هاوکاریی ئەنجومەنی خۆشنووسان و حەوزەی هونەری کرماشان بەڕێوە دەچێت.

News Code 28695

نیشانەکان

بۆچوونی ئێوە

You are replying to: .
  • 2 + 13 =