خوێندنی زمانی دایکی لە قوتابخانەکانی ئێران کێشەی نییە

ئەندامی کۆمیسیۆنی فەرهەنگی مەجلیس خوێندنی زمانی دایکی لە قوتابخانەکانی بێ کێشە وەسف کرد و لە هەمان حاڵدا ڕایگەیاند کە زمانی فەرمی ئەبێ فارسی بێت بەڵام تەرخان کردنی وانەیەک بۆ خوێندنی وێژەی گەلانی جیاواز کێشەی نییە.

بە ڕاپۆرتی ئاژانسی هەواڵی مێهر لە مەجلیسی شووریا ئیسلامی، عەلی مەتەهەری سەربارەت بە لێکدانەوەی گەڵاڵەی بەڕێوە چوونی مادەی پانزدەهەمی یاسای بنەڕەتی کۆماری ئیسلامی ئێران سەبارەت بە خوێندنی زمانی دایکی و خۆجەیی لە قوتابخانە و زانکۆکانی ئێران کە لە دەستووری کاری کۆمیسیۆنی فەرهەنگی مەجلیس بوو، وتی: تەرخان کردنی وانەیەک بۆ خوێندنی وێژەی ئیتنیکە جیاوازەکان لە قوتابخانەکان وەکوو وێژەی تورکی کێشەیەکی نییە بەڵام زمانی فەرمی کەلاسەکان ئەبێ زمانی فارسی بێت.

ناوبراو وتیشی: بە پێی ئەوەی کە ئیسلام هیچ بایەخێک دانانێت بۆ ڕەگەز و هۆزگەرایی، ئەو پرسە کێشەیەک بۆ وڵاتی ئێمە دروست ناکات.

ناوبراو هەروەها جەختی کرد: پێوەری سەرەکی خەڵکی ئێران ئایینی ئیسلامە و جیاوازی فرەلایەنی زمان و زاراوە ئاسایشی نەتەوەیی ناخاتە مەترسییەوە.

موتەهەری زیادی کرد: ئەبێ لێک بدرێتەوە کە ئایا وەزیری پەروەردە و بارهێناندەتوانێت بە تەنیا لە سەر ئەو پرسە گرینگە بڕیار بدات یان شوورای باڵای پەروەردە و بارهێنان ئەبێ لەو بوارەوە بڕیار بدات؟

News Code 28181

نیشانەکان

بۆچوونی ئێوە

You are replying to: .
  • 1 + 2 =