نەوتی کورد ڕادەستی دەوڵەتی ناوەندی عێراق دەکرێت

بەرپرسی فەرمانگەی پەیوەندییەكانی دەرەوەی حكوومەتی هەرێم ئاشکرای کرد کە لە رووی سیاسییەوە بڕیاری رادەستكردنی نەوتی هەرێم بەبەغدا دراوە.

بە راپۆرتی ئاژانسی هەواڵی مێهر، سەفین دزەیی، بەرپرسی فەرمانگەی پەیوەندییەكانی دەرەوەی حكومەتی هەرێمی كوردستان لە لێدوانێكی رۆژنامەوانیدا ئاشكرایكرد: ئەو ئامادەكارییەی كراوە بۆ رادەستكردنی نەوتی هەرێم بە بەغدا وەك پێویست نەبووە، لە رووی سیاسییەوە بڕیارەكە دراوە، بەڵام لە رووی هونەرییەوە كاری ماوە.

وتیشی: ژمارەیەك كۆمپانیای بیانی هەن كە لە كەرتی نەوتی هەرێمی كوردستان كاردەكەن، كاتێك بڕیاری رادەستكردنی نەوتی هەرێم دەدرێت، پێویستە ماف و شایستە داراییەكانی ئەو كۆمپانیایانە لەبەرچاو بگیرێت.

بەرپرسی فەرمانگەی پەیوەندییەكانی دەرەوە ئاشكرایكرد؛ ژمارەیەك لیژنە بۆ دۆسیەكانی نێوان هەردوولا پێكهێنراون.

سەفین دزەیی وتی: لە بودجەی ساڵی (۲۰۱۹) بڕیار لەسەر مووچەی فەرمانبەرانی هەرێم دراوە و تا كۆتایی ئەمساڵ ناردنی مووچە بەردەوام دەبێت، بۆ ساڵی داهاتووش قسە لەسەر ئەوە دەكرێتەوە كە جارێكی دیكە پێدانی مووچە و بودجە بە هەرێمی كوردستان چۆن دەبێت.

News Code 28015

نیشانەکان

بۆچوونی ئێوە

You are replying to: .
  • 4 + 0 =